Sigvaldi Kaldalóns, Svali, útvarpsmaður með meiru er kominn með nýjan starfstitil.
Í færslu á Instagram um helgina segir Svali frá því að hann er orðinn fasteignasali hjá Novus Habitat á Spáni.
„Ég er í stuði, eruð þið í stuði? Ég ætla að setja allt á rauðan. Ég á náttúrlega ekki neitt sko,“ segir Svali staddur fyrir framan spilavíti.
„Þið gætuð verið að hugsa hvað er ég að gera hér? Jú ég er að kynna mig til leiks sem leikmaður Novus Habitat fasteignasölu. En Spánn er ekki bara fasteignir, þetta er líka lífsstíll,“ segir Svali, en í myndbandinu má sjá hann í golfi, spila Padel, og fá sér bjór.
„Djöfull væri ég til í að vera heima bara og fara í golfhermi. Djók!“
Sýnir Svali myndskeið frá Altea, Benidorm, Alicante, Torrevieja, Calpe og Tenerife. „Spánn bíður – ert þú klár?“ skrifar hann við myndskeiðið
„Ef þig langar til að eignast fasteign í sólinni leyfðu þá Novus Habitat að hjálpa þér. Við hjálpum þér að taka skrefið og klára svo dæmið alla leið.
Hvað segirðu? Nei ég er fimmtugur, af hverju ætti ég að fara á eitthvað froðudiskó?“ segir Svali í símann og segist bara slakur í sólinni á Benidorm.
View this post on Instagram
Svali flutti ásamt konu og börnum til Tenerife í byrjun árs 2018 og hefur rekið þar ferðaþjónustufyrirtæki.
