Á þessum tíma voru þau að selja eign og kaupa aðra, og frekar en að kaupa eign upp á hundrað milljónir ákváðu þau að fara aðra leið.
„Við ákváðum að kaupa íbúð sem var tveimur milljónum krónum dýrari en þessi sem við vorum að selja. Hún kostaði 60 milljónir í staðinn fyrir að maxa algjörlega lánshæfið okkar og fara að greiða miklu meira heldur en að okkur langaði að gera.“
Íris segir fjölskylduna búa í mjög notalegri íbúð á góðum stað. „Alls ekki Instagram-væn íbúð. Þetta er 70 ára gamalt hús með upprunalegu baðherbergi, upprunalegu þvottahúsi og það er bara geggjað. Mér líður bara rosa vel og finnst ekki að ég þurfi að búa einhvers staðar af því að ég get það, mér finnst ég ekki þurfa að keyra um á ótrúlega flottum bíl af því að ég get það. Ég sit bara hérna inni í gestaherbergi hjá mér að borða súrmjólk og seríós á Hvolpasveitadisk,“ segir hún.
„Stærra hús og stærri bíll, þetta er ekki að fara að veita þér meiri hamingju. Þetta er ekki það sem vantar í líf þitt, af því að ef þú ert ekki hamingjusamur þarftu að finna hana einhvers staðar annars staðar, hún kemur ekki með hlutum og hvað þá með skuldsetningu.“
@irislifstefans Þegar þú ert að reyna að komast inn á fasteignamarkaðinn þá virkar þetta aðeins öðruvísi og mjög eðlilegt að þurfa að skuldsetja sig í botn #íslenskt #fyrirþig #fjármál #peningar #fasteignir ♬ original sound – Íris Líf | Digital Nomad
Íris er 24 ára, búsett í Garðabæ en er úr Borgarnesi. Hún og maðurinn hennar eiga þriggja ára dóttur. Hún heldur úti TikTok-síðu þar sem hún deilir alls konar fróðleik, hugmyndum og ráðum.
„Í grunninn er ég bara gella sem elskar peninga,“ segir hún í samtali við DV.
„Ég hef alltaf haft mikinn áhuga á fjármálum og starfa sem bókari og er að opna bókhaldsstofuna Accounta. Og ég er líka með nýsköpunarfyrirtæki sem heitir Virkum og snýst um að búa til sjálfvirk drög að tölvupóstum út frá því hvernig fólk hefur svarað tölvupóstum áður.“
Íris segir að það hjálpi að vera nísk. „Ég á rosalega erfitt með að eyða peningum þannig að spara kemur rosalega auðveldlega til mín,“ segir hún.
Íris nefnir í þessu samhengi nýja vöru hjá Aurbjörgu, Eignavaktin, og vill vekja athygli á henni fyrir fólk í fasteignahugleiðingum.
„Þetta snýst um að vera bara að skoða eignir sem eru á því verði sem þú ræður við,“ segir hún.
Hún fer nánar yfir það í myndbandinu hér að neðan.
@irislifstefans Eignavakt Aurbjargar er algjör game changer fyrir alla í fasteignahugleiðingum og fyrir okkur sem að elskum að fylgjast grannt með fasteignamarkaðinum 👀 Getur fengið 2f1 af áskrift hjá Aurbjörgu til þess að prófa eignavaktina í link í bio hjá mér | Samstarf með Aurbjörgu #íslenskt #fyrirþig #fjármál #aurbjörg #fasteignir ♬ original sound – Íris Líf | Digital Nomad
