Þetta var vissulega farsælt viðskiptaævintýri fyrir Joe Francsis, stofnanda Girls Gone Wild, en kostnaðurinn var hár. Þetta hafði skelfileg áhrif á líf margra ungra kvenna, en það sem Girls Gone Wild (GGW) myndböndin gengu út á var að taka upp ölvaðar ungar konur, oft á tíðum stúlkur undir lögaldri, bera á sér brjóstin.
Myndböndin voru umdeild, enda voru margar stúlknanna of ölvaðar til að samþykkja eða gera sér grein fyrir afleiðingunum. Ein kona segir frá því að hún hafði ekki haft hugmynd um að þetta myndi ásækja hana næstu 20 árin. Það var mikið um að ungar stúlkur, stundum of ungar, væru fyrir barðinu á Joe Francis og teyminu í kringum hann, en þeir voru sóttir til saka fyrir að taka upp efni af stúlkum undir átján ára og dreifa því.
Peacock gerði nýlega heimildarþætti um þetta fíaskó, Girls Gone Wild: The Untold Story.
Í þáttunum er rætt við konu, sem var í einu Girls Gone Wild myndbandi, en hún man ekkert eftir því vegna mikillar áfengisneyslu.
„Ég gaf þeim samþykki í mynd, en ég man ekkert eftir því að hafa talað við einhvern í mynd. Ég var í áfalli, eiginlega í afneitun. Það getur ekki verið að þetta sé ég, þetta er ekki ég. Og… síðan áttar þú þig á því, hólí sjitt, þetta er ég,“ segir hún.
Það var eins og bolti væri farinn af stað sem var engin leið að stoppa. Eftir nokkrar vikur vissu allir sem þekktu hana að hún væri berbrjósta í Girls Gone Wild myndbandinu. Ekki nóg með það, þá var hún sett framan á spóluna.
„Þá varð allt verra fyrir mig,“ segir hún.
@oxygennetwork Two decades after the 1997 release of Girls Gone Wild, the women featured have come forward to reveal the dark secrets of the franchise. Catch Peacock’s Girls Gone Wild: The Untold Story, tonight, Sunday at 10/9c on Oxygen True Crime. #TrueCrime #CrimeTok ♬ original sound – Oxygen True Crime
Joe Francis var mikið með stjörnunum og fræga fólkinu. En hann endaði með að flytja til Mexíkó til að flýja lagaleg vandræði og er búsettur þar í dag.
