Áhrifavaldurinn, raunveruleikastjarnan og hlaðvarpsdrottningin Sunneva Einarsdóttir ætlar að taka janúar með trompi.

Hún deildi janúar áskorun sinni á TikTok og hvatti netverja til að taka þátt með henni.

Í janúar ætlar áhrifavaldurinn að:

Ganga: 8 til 12 þúsund skref á dag (70 þúsund skref á viku)

Æfa: 60 mínútur (hægt að skipta því upp í 2×30 mínútur eða 4×15 mínútur)

Drekka vatn: 2,5-3 lítra af vatni á dag

Borða: Próteinríkar máltíðir, elda heima 4-6 sinnum í vikum

Fylgjast með árangri: Taka árangursmyndir daglega

Sofa: Forgangsraða svefni (sofa í allavega sjö til níu tíma á nóttu)

Lesa/hlusta á hljóðbók: Að minnsta kosti eina bók í janúar

Raunhæfari markmið

Sunneva segir að þessi áskorun sé mun sveigjanlegri og raunhæfari en „75 hard“ áskorunin. „75 hard“ er áskorun og er byggð á samnefndri bók og þarf fólk að fylgja ströngum reglum. Eins og að æfa tvisvar á dag, í 45 mínútur inni og síðan í 45 mínútur úti. Drekka 3,8 af vatni. Lesa tíu blaðsíður í bók á dag og fylgja hollu mataræði. Þeir sem fylgja þessu eftir ná oftast miklum árangri en það er óhætt að segja að 75 hard er alls ekki fyrir alla og fyrir flesta mjög óraunhæft, sérstaklega til lengri tíma.

Sérfræðingar mæla frekar með að fólk finni eitthvað sem það nýtur að gera, þannig nær það frekar árangri sem endist.

Sjá einnig: Læknir stillir upp fullkominni æfingarútínu fyrir alla daga vikunnar