Tónlistarmaðurinn Machine Gun Kelly er nær óþekkjanlegur á nýjum myndum. Hann gekk nýlega í gegnum sambandsslit við leikkonuna Megan Fox. Þau voru trúlofuð og eiga von á barni, en sagt er að hún hafi fundið eitthvað óviðeigandi í síma hans í lok síðasta árs og hafi slitið sambandinu í kjölfarið.

Machine Gun Kelly (MGK), sem heitir réttu nafni Colson Baker, frumsýndi nýtt útlit á samfélagsmiðlum í gær.

Hann birti mynd af sér berum að ofan, með skegg og tagl í síðu hári.

Aðdáendur hans virtust vera hrifnir og sögðu margir hann líkjast víkingi.

MGK skaut einnig á slúðurmiðla vestanhafs og skrifaði með færslunni: „Hvernig er hægt að segja „heimildir herma“ þegar heimildarmenn hafa ekkert sagt.“ En sambandsslitin og meint orsök þeirra hafa verið talsvert í deiglunni undanfarið.