Stefanía Svavarsdóttir söngkona ræðir sönginn og ferilinn, lífið, tilveruna og sjálfsvinnuna í viðtali við Kiddu Svarfdal í Fullorðins. Nóg er að gera hjá Stefaníu sem syngur jöfnum höndum á tónleikum, skemmtunum og í jarðarförum.
Stefanía segir meðal annars frá því að henni finnist nauðsynlegt að leita sér ráðgjafar hjá þriðja aðila, sérfræðingi, og það jafnvel þegar ekkert alvarlegt er að. Segist hún hafa farið með barnsföður sínum í sambandsráðgjöf nokkrum mánuðum eftir fæðingu sonar þeirra.
„Af því við vorum bara ósammála með hluti.Okkur vantaði bara hjálp frá þriðja aðila til að leysa úr þessu.“
Þegar hún sagði fólki frá að þau væru í ráðgjöf sagðist hún hafa verið spurð hvort sambandið væri orðið svona slæmt.
„Ég er í mjög hamingjusömu sambandi í dag, við erum samt í sambandsráðgjöf. Maður getur ekki alltaf ráðið við öll vandamálin sín sjálfur. Mér finnst þetta vera bara hjálpartæki.“
Stefanía var í viðtali hjá Fókus á DV í byrjun desember.
Sjá einnig: Varð allt í einu ólétt, einstæð og atvinnulaus – „Þetta var mjög erfiður og skrýtinn tími“
