Dimmey er gestur vikunnar í Fókus, viðtalsþætti DV. Í þættinum greinir hún frá fordómum sem hún og kærasta hennar, Birta Ísabella, hafa orðið fyrir á Íslandi. Í spilaranum hér að neðan segir hún frá atvikinu síðasta sumar en brotið er hluti af nýjasta þætti af Fókus sem má horfa á í heild sinni hér. Einnig má hlusta á Spotify og öllum helstu hlaðvarpsveitum.
Atvikið skeði á salerninu í dalnum.
„Henni var ekki hleypt að vöskunum á kvennaklósettinu bara út af því að hún er ómáluð og með mullet, bara ógeðslega nett. En það voru stelpur í kringum tvítugt sem vildu ekki hleypa henni að klósettvaskinum og sögðu ljót orð. Voru að kalla hana trans, og hún skildi ekki hvort það væri spurning eða neikvætt komment. Þær voru alveg mjög ljótorðar,“ segir Dimmey.
Talið berst að bakslaginu sem hefur orðið í hinseginmálum í Bandaríkjunum undanfarið.
Finnst þér það vera að koma til Íslands?
„Smá, það er mikið af fólki sem er ótrúlega stuðningsríkt og gott og sér þetta ekki og er ekki að pæla í þessu. En það eru þessir ákveðnir aðilar sem vilja níða sambandið mitt, spyrja af hverju ég er með stelpu þegar ég gæti verið með strák. Sem er fáránleg spurning, ást er ást.“
