Íslenska „költ-kvikmyndin“ Sódóma Reykjavík, í leikstjórn Óskars Jónassonar, sem fjallar um ævintýralega leit bifvélavirkjans Axels að sjónvarpsfjarstýringu móður sinnar, er mörgum eftirminnileg og í raun hjartfólgin. Hún var frumsýnd árið 1992 en með útgáfu á VHS, DVD og endursýningum hefur verið hægt að rifja hana reglulega upp og mestu aðdáendurnir hafa eflaust horft á hana ansi oft. Myndin hefur öðlast sérstakan sess í íslenskri kvikmyndasögu og því er ekki úr vegi, lesandi góður, að kanna hversu vel þú þekkir þessa sígildu mynd með því að spreyta þig á nokkrum laufléttum spurningum.
Fyrsta orðið sem mælt er í Sódóma Reykjavík er mannsnafn. Nafnið er það sama og nafn eins af höfundum eins þekktasta lagsins úr myndinni. Hvert er nafnið?
Einna þekktasti „frasinn“ úr Sódóma Reykjavík heyrist í nokkrum útgáfum í myndinni en hvaða útgáfa er sú rétta?
Leit aðalpersónunnar Axels, sem leikinn er af Birni Jörundi Friðbjörnssyni, að sjónvarpsfjarstýringu móður sinnar leiðir hann heim til konu, sem leikin er af Sóleyju Elíasdóttur, sem hann þarf síðar að bjarga úr klóm mannræningja. Hvað heitir þessi kvenpersóna?
Ein af persónum myndarinnar, Moli sem leikinn er af Helga Björnssyni, notar annað nafn til að dyljast. Hvert er nafnið?
Í Sódóma Reykjavík leikur stórt hlutverk tegund af gosi sem hafði nokkrum árum áður verið hætt að framleiða á Íslandi. Hvað hét tegundin?
Glæpaforinginn Aggi, sem leikinn er af Eggerti Þorleifssyni, gengur undir viðurnefni sem þó er ekki mikið notað í myndinni. Hvert er viðurnefnið?
Aggi býður í myndinni upp á flugmiða til áfangastaðar á suðrænum slóðum í skiptum fyrir upplýsingar sem leiði til þess að hann komi höndum yfir Mola. Hver er áfangastaðurinn?
Lagið Partýbær með hljómsveitinni Ham er eitt þekktasta lagið sem flutt er í Sódóma Reykjavík. Lagið er flutt svo til í heild sinni og ef lagðar eru við hlustir heyrist hvaða raunverulega bæ lagið fjallar um. Bærinn varð síðar hluti af nýju sveitarfélagi. Hver er partýbærinn?
Eitt frægasta atriðið í Sódóma Reykjavík er þegar Axel hrópar heimilisfang sitt inni á skemmtistað fullum af fólki, með miklum afleiðingum. Húsnúmerið er skáldskapur en götuheitið raunverulegt. Hver er gatan?
Hvað heitir móðir Axels? eigandi sjónvarpsfjarstýringarinnar sem hann þarf að leggja svo mikið á sig til að leita að.
Hversu vel þekkirðu Sódóma Reykjavík?
Flinki
Til hamingju þú gjörþekkir Sódóma Reykjavík og elskar greinilega þessa sígildu mynd. Um að gera samt að horfa á hana enn einu sinni um páskana.
Deildu snilli þinni!
Hversu vel þekkirðu Sódóma Reykjavík?
Ekki forskalast
Ágætlega gert. Þú þekkir Sódóma Reykjavík nokkuð vel en getur greinilega alveg bætt þig. Um að gera að nýta páskana í það.
Deildu snilli þinni!
Hversu vel þekkirðu Sódóma Reykjavík?
Lúði
Þú þekkir Sódóma Reykjavík greinilega ekki vel. Ertu búin/n að gleyma henni eða hefurðu kannski ekki séð hana? Ef þú hefur ekki séð myndina þá hefurðu misst af miklu og ert þá komin/n með efni til að horfa á yfir páskana.
„Þessi innri gagnrýnandi er enn til staðar og segir oft: Nei, ekki taka þátt í þessu. Ekki gera þetta. En í dag fæ ég að ritskoða allt og svara honum fullum hálsi“
