Bandaríski leikarinn Channing Tatum tilkynnti um helgina að hann ætlar aldrei aftur að taka að sér „feit hlutverk“ í kvikmyndum um leið og hann sýndi miklar þyngdarsveiflur sem hann hefur gengið í gegnum fyrir fyrri hlutverk.
Á fyrstu myndinni af þremur sem Tatum má sjá hann í góðu formi líkamlega. „Fyrsta myndin er tekin í dag, 103 kg,“ skrifar Tatum á föstudag. Á þeirri næstu má sjá Tatum 15 kg þyngri fyrir hlutverk sitt í kvikmyndinni Josephine sem tekin var upp á síðasta ári. Þriðja myndin sýnir Tatum sem létti sig í 86 kg fyrir kvikmyndina Roofman sem hann lauk nýlega tökum á.
„Ég er svo þakklátur fyrir genin mín. Þakklátur fyrir kokkinn minn/næringarfræðinginn/nornina. Þakklátur fyrir þjálfarann minn. Ég gæti ekki gert þessar miklu sveiflur í þyngd minni án ykkar. En ég mun ekki sinna feitum hlutverkum lengur“ sagði Tatum. Hann bætti við að það að þyngjast fyrir hlutverk væri of „erfitt fyrir líkamann“ núna og of erfitt að losa sig aftur við kílóin.
„En fjandinn þegar ég horfi á þessar myndir er bara villt hvað mannslíkaminn og viljinn getur gert.“
View this post on Instagram
Í viðtali við Kelly Clarkson árið 2022 viðurkenndi Tatum að hann vildi ekki gera þriðju Magic Mike myndina vegna gríðarlegra krafna um líkamsrækt.
„Jafnvel þó þú æfir þá er það ekki eðlilegt að vera í svona góður formi. Ég veit ekki hvernig fólk sem vinnur 9 til 5 heldur sér í raun og veru í formi, því þetta er fullt starf mitt og ég get varla gert það.“
Tatum sagði að á sínum tíma hefði verið auðveldara að sveiflast í þyngd og líkamlegu formi fyrir hin ólíku hlutverk, en „nú get ég ekki losað mig við þyngdina jafn auðveldlega.“
