Sóldís er gestur vikunnar í Fókus og ræðir um keppnina úti í spilaranum hér að neðan. Brotið er hluti af nýjasta þætti af Fókus sem má horfa á í heild sinni hér eða hlusta á Spotify og öllum helstu hlaðvarpsveitum.
Sóldís Vala segir frá keppninni úti og öllu ferlinu fyrir stóra kvöldið. Hún var í þrjár vikur í Mexíkó og var þetta fyrsta keppnin eftir að nýir eigendur tóku við Miss Universe.
„Þannig þetta var mjög öðruvísi þegar hinar stelpurnar voru að keppa. Eina sem ég hefði kannski viljað var að ferðast meira, en það var allaveganna ótrúlega gaman að hitta stelpurnar og vera með konum frá 130 öðrum löndum,“ segir Sóldís.
„Ég var samt hins vegar yngst þannig það var alveg smá mikil pressa. Því hinar stelpurnar voru í kringum 20-25 ára, en svo var elsta konan reyndar 40 ára, því þeir tóku aldurstakmarkið af. En það var mikil pressa því það er alveg horft mikið niður á mann ef maður er 18 ára og svona „baby“, það er alveg gert það.“
Sóldís lét það ekki stoppa sig. „Ég þurfti bara að leggja harðar að mér til þess að fá þessa virðingu sem hinar stelpurnar fengu, en annars var þetta ótrúlega gaman.“
„Ég fann alveg fyrir því að sumum konum fannst ég of ung fyrir keppnina, en maður á ekkert að taka því inn á sig. Ég var bara að reyna að sýna að aldur sýnir ekki hvað þú getur. Ég er þarna á nákvæmlega sama leveli og allar aðrar, ég vann mér inn fyrir þessu.“
Sóldís segir frá keppninni og ferlinu betur í spilaranum hér að ofan. Brotið er hluti af nýjasta þætti af Fókus sem má horfa á í heild sinni hér eða hlusta á Spotify.
Fylgdu Sóldísi á Instagram. Þú getur einnig fylgt Ungfrú Ísland á Instagram og TikTok. Sóldís mun krýna næstu Ungfrú Ísland þann 3. apríl næstkomandi í Gamla bíó.
