John Miller, kærasti leikkonunnar Jennifer Garner, John Miller, er allt annað en sáttur eftir að myndir af henni og barnsföður hennar, Ben Affleck, birtust í fjölmiðlum.

Á myndum og myndböndum má sjá að Affleck er aðeins of innilegur við sína fyrrverandi, faðmar hana um leið og hann nuddar klofsvæðinu við læri hennar.

Miller, sem ávallt hefur stutt gott samband Garner og Affleck þegar kemur að uppeldi þriggja sameiginlegra barna þeirra, telur Affleck með þessu hafa farið yfir strikið.

„John veit að það er ekkert að gerast á milli Jen og Ben, en honum finnst þessar myndir ekki líta vel út og finnst það vanvirða samband þeirra,“ segir heimildamaður við PageSix. Samkvæmt honum hefur Miller nú gefið Garner úrslitakosti:  „hann vill ekki sjá neitt slíkt aftur annars mun hann slíta sambandi þeirra.“

Atlot hjónakornanna fyrrverandi náðust á myndband þegar þau héldu upp á afmæli sonarins Samuels þann 2. mars. Haldið var upp á afmælið í litbolta (e. paintball) í Combat Paintball Park í Castaic, Kaliforníu.

Miller hefur ekki verið spenntur yfir því að Garner og Affleck, sem oru gift frá 2005 til 2018, verji nú meiri tíma saman eftir að upp úr hjónabandi hans og Jennifer Lopez slitnaði. Lopez er heldur ekki sátt.

Miller „veit að Ben og Jen hafa verið að halla sér að hvort öðru meira en nokkru sinni fyrr undanfarið og eiga mjög náið samband. Aukið tengsl þeirra verða svolítið mikil þegar Ben eyðir öllum hátíðum með þeim eins og jólum og þakkargjörðarhátíð. John líður eins og þriðja hjólinu,“ sagði heimildamaðurinn.