Jenna Jameson, ein þekktasta klámyndaleikkona sögunnar, er orðin einhleyp. Tveggja ára hjónabandi hennar og eiginkonunnar, Jessi Lawless, er lokið og er hermt að áfengisvandamál Jennu hafi verið ástæða skilnaðarins.
People greinir frá því að Jenna hafi reynt allt til þess að forða skilnaði en án árangurs.
Hjónin höfðu verið skilin að borði og sæng um skeið og greindi Lawless, sem stýrir sínum eigin hlaðvarpsþætti, frá því að hún hefði ákveðið að feta nýja braut og væri komin með aðra kærustu. Sagðist hún vonast til þess að Jenna myndi einnig geta haldið áfram með líf sitt og fundið ástina.
