Árni Árnason hefur slegið í gegn með myndböndum á Facebook og TikTok. Í myndböndunum tekur Árni aulahúmorinn á ýmis þjóðfélagsmál og bendir á vankantana sem eru víða í vinnubrögðum borgarstjórnar og Alþingis.
„Ég hef fengið þvílík viðbrögð við myndböndunum og margir sett sig í samband við mig til að mynda vegna skipulagsmála í borginni og hvernig framferði borgarinnar er gagnvart borgarbúum,“ segir Árni í samtali við DV.
Myndband Árna um Tryggingastofnun fékk rúmlega 80 þúsund áhorf.
@arniarnas #reykjavik #iceland #fyp #viral #fyrirþig #islensktiktok #sjukratryggingar ♬ original sound – Arni
Sjálfur er Árni úr Garði en hefur verið búsettur í Reykjavík um árabil og starfað þar.
„Ég nam stjórnmálafræði, auðvitað er ég áhugasamur um pólitíkina en finnst hún vera á mörgu leyti á villigötum,“ svarar Árni aðspurður um hvort hann sé mikill áhugamaður um borgarmálin.
Og ríkisstjórnin, hvernig líst þér á hana?
„Ég bíð spenntur að sjá hvernig nýrri ríkisstjórn vegnar – það voru allir búnir að fá nóg þeirri sem var á undan – spurning hvort valkyrjurnar nái að starfa í þágu almennings án þess að allt sitji fast í nefndum og ráðum.“
@arniarnas #reykjavik #fyp #viral #fyrirþig #islensktiktok #iceland #alþingi ♬ original sound – Arni
Og væntanleg borgarstjórn?
„Varðandi borgina þá líst mér ekki ekki vel á nýjan meirihluta – það er löngu tímabært að borgarbúar fái hvíld frá Pírötum og Samfylkingunni. Þar má helst nefna að Píratar og Samfylking hafa verið við völd um árabil og skipulagsmálin eru í ruglinu og reistar rándýrar íbúðir sem seljast ekki á meðan þörfin er mikil sem hefur áhrif á leiguverð sem er komið út í vitleysu.“
@arniarnas #reykjavik #iceland #fyp #viral #fyrirþig #islensktiktok #reykjavikurborg ♬ original sound – Arni
@arniarnas #reykjavik #iceland #fyp #viral #fyrirþig #islensktiktok #reykjavikurborg ♬ original sound – Arni
Það er augljóst að Árni hefur sterkar skoðanir á samfélagsmálum og stjórnmálum.
„Stjórnmálin í landinu þurfa að fara að snúast um almenning, lífskjör okkar, íbúðarverð, matarverð og framvegis – bankarnir þurfa að taka sig saman í andlitinu og fara að sýna okkur almenningi smá virðingu og stöðva græðinga – við komum ílla út í samanburði við nágrannalöndin á meðan fólk hér sem fjárfestir í þaki yfir höfuðið eru þrælar bankakerfisins nánast fram hinstu hvíldar.“
@arniarnas #flokkurfolksins #reykjavik #iceland #fyp #viral #fyrirþig #islensktiktok #reykjavikurborg #alþingi ♬ original sound – Arni
Árni segir að færslur hans á Facebook hafi fengið litla athygli og því hafi hann brugðið á það ráð að gera myndbönd í staðinn, eitthvað sem vakið hefur mun meiri athygli en hann átti von á.
„Ég hef verið með tuðpósta á Facebook um stöðuna í samfélaginu sem nær litlum árangri svo ég prófaði að setja þetta fram í grínívafi í myndböndum og það hefur komið mér verulega á óvart hvað þetta hefur slegið í gegn. Þúsundir íslendinga horfa á myndböndin og viðbrögðin standa ekki á sér – það er ljóst að það sem miður fer í samfélaginu kemst best til skila í gegnum aulahúmorinn minn.“
Í myndböndunum kallar Árni sig Uglu Tré, sem er greinilega ekkert ómögulegt og óviðkomandi og greinilega margra starfsmanna maki. Ómetanlegur aðstoðarmaður sem aldrei sést þó í mynd eða hljóði er svo Gógó.
„Það er hvatning til að halda þessu áfram Ugla Tré og Gógó ná til þjóðarinnar og mér finnst skemmtilegt að ég hef lent í því á mannamótum, veitingastöðum, í leikhúsi og viðar að fólk kemur upp að mér og kallar mig Uglu og þakkar fyrir myndböndin.“
Í nýjasta myndbandinu eru stöllurnar mættar á Alþingi og kryfja stóra plasttappamálið auk fleiri krefjandi málefna.
@arniarnas #reykjavik #fyp #viral #fyrirþig #islensktiktok #iceland #alþingi ♬ original sound – Arni
