Út er komið lagið Eilíf ást sem er í flutningi Magnúsar Kjartans, aðalsöngvara Stuðlabandsins, en lagið samdi Svavar Viðarsson.

Söngvarinn Magnús Kjartan hefur tekist á við mikið mótlæti í lífinu og ber þar helst að nefna baráttu hans við bráðahvítblæði. Fyrir þá sem fylgdust með þeirri ferð hans var það barátta sem reyndi á styrk hans og anda. En í dag stendur Maggi uppi sem sigurvegari, eftir að hafa sigrast á veikindunum með hvetjandi seiglu. Sá sigur gerir útgáfu lagsins mjög sérstaka. 

Lagahöfundurinn Svavar segir að Magnús Kjartan hafi verið rétti söngvarinn til að flytja lag hans:

„Ég hafði auðvitað fylgst með baráttu Magga og hvernig hann og fjölskylda hans mættu þessum erfiðleikum. Þegar ég samdi lagið fann ég strax að það var ætlað honum – textinn, tilfinningarnar, allt. Það var aldrei spurning um að bíða. Ég vissi að hann myndi standa uppi sem sigurvegari og við byrjuðum að taka upp í desember,“ segir Svavar. 

Eilíf ást fjallar um  óbilandi ást, þeirrar tegundar sem endist jafnvel í gegnum erfiðustu raunir lífsins. En fyrir utan lagið sjálft er sagan um hvernig það varð til, hugrekki, vináttu og trú á eitthvað meira.

Vignir Snær annaðist upptökur, útsetningu og hljómblöndun. Nokkrir af hæfileikaríkustu tónlistarmönnum landsins ljáðu hæfileika sína í lagið, en lokahöndina bætti Sigurdór við Skonrokk Mastering.

Lagið Eilíf ást má hlýða á í spilaranum hér fyrir neðan.