Hún mætti ásamt eiginmanni sínum, rapparanum Kanye West, sem var sjálfur fullklæddur. En það hefur verið ákveðið þema hjá þeim síðastliðin ár að hann sé ávallt kappklæddur og hún í litlu sem engu.
Sjá einnig: Bianca hefur aldrei gengið svona langt – Mætti nakin á rauða dregilinn
Eins og fyrr segir vakti málið mikla athygli en ekki nóg með það þá hefur það haft áhrif á fegrunarbransann.
Samkvæmt lýtalækninum Christopher Costa hefur stofa hans í Las Vegas séð 50 prósent aukningu í beiðnum frá viðskiptavinum sem vilja ólmir breyta líkama sínum svo hann líkist líkama Biöncu.
„Þetta segir mikið um hvað konur vilja í raun og veru,“ sagði læknirinn við TMZ. „Fólk gerir ráð fyrir því að konur sem gangast undir fegrunaraðgerðir vilja vera feik og mjög ýktar, en núna, árið 2025, er ákveðið trend í gangi að konur vilja aðgerðir sem aðrir sjá ekki, aðgerðir sem er erfitt að greina hvort einhver hafi gengist undir. Fólk vill virðast náttúrulegt.“
Costa segir að líkami Biöncu sé bæði curvy og náttúrulegur. „Hún er ekki of mikið, hún lítur bara vel út,“ segir hann.
Læknirinn sagði að viðskiptavinir hans séu ekki lengur að biðja um jafn miklar öfgar eins og áður.
Hann útskýrði hvað felst í því að fá „Biöncu útlitið“. Venjulega myndi viðkomandi gangast undir fitusog og fituflutning, þar sem hann myndi færa fitu frá ákveðnum svæðum í önnur svæði til að búa til þessa „stundaglasa lögun“.
Hann tók það samt fram að það geta ekki allar líkamstýpur gengist undir slíka aðgerð, hann sagði það fara eftir líkamsgerð hvers og eins.
Aðgerðin getur kostað allt frá 4,2 til 10,7 milljónum.
Sjá einnig: Móðir Biöncu Censori rýfur þögnina um skandal dóttur sinnar
