Kolbrún Pálína Helgadóttir, markaðssérfræðingur, markþjálfi, yin yoga-kennari og talskona MUNA tók saman ljúfar hugmyndir að því hvernig má gera myrkasta tíma ársins svolítið huggulegan í heilsublaði Nettó.
1. Komdu upp rútínu fyrir kvöldið
Skapaðu friðsælt umhverfi áður en þú ferð að sofa. Hreinsaðu húðina, nærðu hana með góðum kremum, burstaðu tennurnar og undirbúðu föt og töskur fyrir næsta dag. Hafðu vítamín morgundagins sömuleiðis tilbúin. Þessi einföldu skref minnka morgunstress og gera daginn betri.
2. Byrjaðu daginn með vatnsglasi
Fylltu glas af vatni kvöldið áður, bættu smá sítrónu út í og drekktu það strax um morguninn áður en þú grípur kaffibollann. Þetta hjálpar til við að vökva líkamann eftir nóttina og undirbýr hann fyrir daginn.
3. Njóttu góðs kaffibolla eða heilsusamlegs drykks
Gefðu kaffibollanum smá dekur. Prófaðu að bæta næringarefnum út í kaffið eða búa til kaffibúst sem nærir og gleður. Hér eru þrjár uppskriftir að kaffidrykkjum sem krydda hversdagsleikann:
Kryddaður
Sterkur kaffibolli eða kryddað te, t.d. chai, kanil- eða túrmerikte.
2 tsk. MUNA möndlusmjör
1 tsk. MUNA kanill
½ tsk. MUNA túrmerik
Pipar
Kollagen
Blandið öllu varlega saman í blandara. Gætið þess að heiti vökvinn kólni aðeins fyrst.
Heitur
Kaffi
2 tsk. MUNA möndlusmjör
2 tsk. kollagen, ef vill
1 tsk. MUNA kanill
1 daðla frá MUNA
Blandið öllu varlega saman í blandara. Gætið þess að heiti vökvinn kólni aðeins fyrst.
Sterkur
1 banani
1 sterkur kaffibolli
2 tsk. MUNA hnetusmjör
1 msk. súkkulaði- eða vanilluprótein frá NOW, eftir smekk
3–4 ísmolar
1 bolli Isola möndlumjólk
Blandið öllu varlega saman í blandara þar til drykkurinn er laus við kekki.
4. Iðkaðu yin yoga eða slökunaræfingar
Hægar hreyfingar eins og í yin yoga geta dregið úr streitu og hjálpað þér að tengjast sjálfum þér á dýpri hátt. Þetta er frábær leið til að ná jafnvægi í huga og líkama.
5. Lestu bók sem nærir sálina
Veldu bók sem veitir þér innblástur eða hjálpar þér að slaka á. Lestur er frábær leið til að leyfa huganum að flakka og njóta rólegra kvöldstunda.
6. Haltu dagbók
Taktu frá nokkrar mínútur á hverjum degi til að skrifa niður hugsanir þínar, markmið eða þakklæti. Þetta hjálpar þér að skýra hugann og finna jafnvægi.
7. Eldaðu heitan, hægeldaðan mat
Nýttu mánuðinn til að prófa uppskriftir að hægelduðum réttum sem fylla heimilið af hlýju og ilmi. Góður matur er ekki aðeins næring fyrir líkamann heldur einnig fyrir sálina.
8. Heit líkamsrækt
Prófaðu líkamsrækt sem eykur hita og orku, eins og spinning, hot yoga eða kraftmikla dansæfingu. Það veitir þér bæði líkamlegan og andlegan létti.
9. Gefðu þér tíma fyrir náttúruna
Farðu út í myrkrið og upplifðu friðsæld vetrarins. Stutt ganga eða kyrrlát stund undi stjörnubjörtum himni geta verið endurnærandi.
10. Einbeittu þér að litlu hlutunum
Finndu það sem gleður þig í daglegu lífi. Það gæti verið morgunstund með tebolla, ljúft augnablik með fjölskyldu eða nýr ilmur sem lyftir andanum. Litlu hlutirnir skipta máli og þess vegna er mikilvægt að finna það sem kryddar tilveruna þína.
