Bresku hjónin Holly Cooper og James Collins og dætur þeirra, Mimi, sjö ára og Pixi, þriggja ára, eru nýjustu Íslandsvinirnir. Á samfélagsmiðlum kalla þau sig TheLndfamily (The London Family) eða einfaldlega Fjölskyldan frá London.
Fjölskyldan kom til landsins í gær og er þegar búin að birta þrjú myndbönd frá ferðinni á samfélagsmiðlum.
View this post on Instagram
„Þetta er fyrsta skiptið okkar hér og við erum svo spennt að skoða og uppgötva. Við erum búin að bóka Bláa lónið, hvalaskoðun og Gullna hringinn. Ef það er eitthvað sem við ættum að sjá, gera eða borða látið okkur vita.“
View this post on Instagram
Í heimsfaraldrinum þegar allur voru í innilokun heima þá byrjaði fjölskyldan að birta myndbönd á samfélagsmiðlinum TikTok, þar sem þau dönsuðu saman við þekkt popplög. Nokkur þeirra slógu rækilega í gegn og má telja áhorfið í tugum milljóna á þeim vinsælustu. Fjölskyldan hélt því áfram og birtir nú myndbönd af sér dansandi víða um heiminn, og efni um mat og tísku. Þau eru vinsæl á TikTok, Instagram og Facebook.
View this post on Instagram
Hjónin kynntust 16 ára í listaskóla í London og reka í dag sviðslistaskólann MPA Academy and Agency þar sem börn og ungmenni læra dans, söng og leiklist. Bæði hafa dansað frá barnsaldri og hefur Collins dansað fyrir fjölmargar poppstjörnur eins og Lady Gaga, Rihanna og Taylor Swift. Fjölskyldan hefur komið fram víða í viðtölum, eins og til dæmis í The Ellen Degeneres Show.
Þau segja dansinn og samfélagsmiðlaathyglina hafa gefið þeim fjölmörg tækifæri, meiri tíma með börnunum þeirra og dýrmætar minningar og reynslu. Þau segja að svo lengi sem það sé gaman þá muni þau halda áfram.
Fjölskyldan nýtur þess að dansa saman og sýna þau oft þaulæfðar dansrútínur í myndbndum sínum. Oftast hljóma þekkt popplög undir og myndböndin eru skemmtileg og litrík. Einnig birta þau oft svokölluð Bak við tjöldin myndbönd.
