Hann birtir reglulega færslur á Instagram um hvernig hann hámarkar hamingju sína og vellíðan, hvernig hann eykur afköst og nær árangri og hvernig hann á gott samband við sig sjálfan. Beggi er búsettur í Kaliforníu þar sem hann stundar doktorsnám í sálfræði.
Fylgjendahópur Begga virðist hafa stækkað ört undanfarið og fylgja nú 200 þúsund manns honum á miðlinum. Í tilefni þess birti áhrifavaldurinn færslu og sagðist vera afar þakklátur.
„200 þúsund! Það er erfitt að trúa þessu, þetta samfélag er núna næstum tveir þriðju af fólksfjölda á Íslandi,“ sagði Beggi og bætti við að í mörg ár hefur hann verið með það markmið að hafa áhrif á „alþjóðlegum skala“ og að hann sé mjög þakklátur að það sé að rætast.
„Til að fagna þessum áfanga eyddi ég tveimur dögum í fjöllunum, umvafinn náttúrunni,“ sagði hann. Hann var á skíðum í Mammoth-fjalli í Kaliforníu um helgina.
Beggi sagðist vera þakklátur hverjum einasta fylgjanda. „Takk fyrir athyglina, stuðninginn og skilaboðin,“ sagði hann.
Netverjar óskuðu Begga til hamingju með árangurinn, enda er 200 þúsund fylgjendur enginn smá fjöldi, og hafa rúmlega 660 manns líkað við færsluna þegar fréttin er skrifuð.
Lestu alla færsluna hér að neðan. Ef þú sérð hana ekki, smelltu hér, eða prófaðu að endurhlaða síðuna.
View this post on Instagram
