Eins og margar stjörnur Hollywood missti Hilton heimili sitt í skógareldunum sem nú fara stjórnlaust um úthverfi Los Angeles en hún átti glæsilega villu í Malibu sem hún keypti árið 2021 fyrir rúman milljarð króna.
Hilton fór að heimili sínu í gær og myndaði brunarústirnar og var eðli málsins samkvæmt mikið niðri fyrir miðað við færslu sem hún skrifaði við myndbandið.
„Ég stend á þeim stað sem var einu sinni heimili okkar og sorgin er ólýsanleg,“ sagði Hilton og bætti við að það hafi verið erfitt fyrir hana og tekið mikið á sálartetrið að fylgjast með fréttum af eldsvoðunum. „En nú, þegar ég stend hérna og sé eyðilegginguna með eigin augum, er eins og hjartað sé brotið í milljón mola.“
Paris Hilton segist finna til með öllum þeim sem eiga um sárt að binda þessa dagana. „Það eru svo margir sem hafa misst allt. Þetta eru ekki bara veggir og þök – það eru minningarnar sem gerðu þessi hús að heimilum,“ sagði hún og bætti við að hún væri þakklát fyrir að allir hennar ástvinir séu heilir á húfi. Það sé fyrir mestu.
„Látið þetta verða áminningu um að halda ástvinum ykkur nálægt ykkur. Njótið þið þessara góðu stunda því lífið getur breyst á einu augabragði.“
Ef myndbandið og færslan hér að neðan birtast ekki gæti verið ráð að endurhlaða síðuna.
View this post on Instagram
