Claudia nýtur mikilla vinsælda á samfélagsmiðlum og neitaði því fyrst þegar aðdáendum hennar fór að gruna að hún væri á lyfinu. Hún gekkst að lokum við því og hefur síðan þá verið mjög opin um raunir sínar.
Hún byrjaði á lyfinu í september 2022, opinberaði það í ágúst 2023 og hætti á því í nóvember 2023.
Í júlí sagðist Claudia glíma við óseðjandi hungur eftir að hafa hætt á lyfinu.
„Ég reyni að borða góðgæti í hollari kantinum, því ég er ennþá að reyna að léttast en vil gera það sjálf. Ég er alltaf að leita að einhverju sem mun gera mig sadda,“ segir hún.
„Ég bara verð ekki södd, það er ómögulegt. Ég var að borða steik og ég er glorhungruð, þannig ég er að fá mér popp.“
@girlwithnojob Replying to @Lydia White ♬ original sound – Claudia Oshry
Í nýlegu myndbandi segir Claudia að hún þurfi að hafa mikið fyrir því að viðhalda þyngdartapinu eftir Ozempic.
„Lífið eftir Ozempic er erfitt, ef ég á að vera alveg hreinskilin þá er það mjög, mjög erfitt,“ segir hún.
„Það koma margir dagar þar sem mig langar að byrja aftur á lyfinu en mér fannst mjög mikilvægt að ekki bara léttast á Ozempic en viðhalda þyngdartapinu og breyta lífi mínu.“
Claudia segir að sumarið hafi verið sérstaklega erfitt. Margir hafi átt afmæli, hún meðtalin.
„Ég varð líka lasin og byrjaði að taka aftur upp gamla ósiði. En ég er komin aftur í gang,“ segir hún og fer yfir alls konar millimál sem henni finnst gott að borða yfir daginn. En hún er mikið fyrir að snarla yfir daginn og segir að lykillinn sé að eiga eitthvað sem er bæði hollt og bragðgott í eldhússkápnum.
@girlwithnojob Replying to @harper ♬ original sound – Claudia Oshry
