Ray, 56 ára, birti myndband á Instagram á mánudaginn til heiðurs söngvaranum Tony Bennett, og eldaði hans uppáhalds máltíð: Osso buco.
Í myndbandinu rifjaði hún upp kvöldstund þar sem hún bauð Bennett og eiginkonu hans, Susan Crow, í mat og „drap hann næstum því.“
„Ég var nýbúin að bóna gólfin því, nú jæja, Tony Bennett var að koma í mat. Ég þurfti að hafa gólfin fullkomin og allt húsið þurfti að vera hreint og allt bara frábært,“ sagði hún og viðurkenndi að hún gæti hafa gengið aðeins of langt því stóll Bennett „rann undan honum“ og hann datt og rak höfuðið í marmaraborðið hennar.
Sem betur fer meiddi hann sig ekki og borðaði „tvöfaldan skammt“ af matnum sem hún eldaði fyrir hann.
Prófaðu að endurhlaða síðuna ef þú sérð ekki færsluna hér að neðan.
View this post on Instagram
Aðdáendur virtust ekki hafa áhuga á sögu Ray heldur vildu þeir vita hvort það væri allt í lagi með hana.
„Ég elska þig, en ertu í lagi? Ég hef miklar áhyggjur,“ sagði einn.
„Bíddu! Hvað er í gangi með Rachael Ray?“ spurði annar.
Margir komu henni til varnar. „Hún er að eldast eins og við öll hin. Kannski er hún eitthvað veik eða á einhverjum lyfjum, sama hvað það er þá er það engin ástæða til að vera leiðinleg.“
