Það er ekki enn komið nafn á hlaðvarpið en fyrsti þáttur er kominn út. Þættirnir verða í áskrift, vikan eða hver þáttur kostar 290 krónur.
„Við vorum að gefa út fyrsta þátt í hlaðvarpi okkar hjóna – sem við eigum eftir að ákveða nafn á. Þetta er vikulegt áskriftarhlaðvarp og verður lauflétt fræðandi og femínískt. Þættirnir verða hráir, berskjaldaðir og semi-skipulagðir með föstum liðum. Munum leyfa ykkur að skyggnast inn í okkar samband og allskonar sem við höfum lært í okkar pararáðgjöf og í okkar störfum. Við munum skoða „gömlu dagana“ og æskuna okkar, sækja aðeins í nostalgíu níunnar út frá lögum og lagatextum. Rýna í uppeldisaðferðir og viðmið sem tíðkuðust í okkar æsku og bera saman við samtímann. Og auðvitað látum við okkur samfélagsmál hverrar viku varða,“ skrifuðu hjónin í sameiginlegri færslu á Instagram.
„Vonandi eruð þið jafn peppuð og við fyrir þessu nýja verkefni. Við vonum að ykkur muni finnast það hóflega skemmtilegt en á sama tíma styrkjandi og fræðandi.“
Þorsteinn útskýrði nánar fyrirkomulagið í Story á Instagram:
„Þetta er semí hlaðvarp bara fyrir bakhjarlana okkar en öll geta auðvitað hlustað. Vikan kostar 290 krónur sem er auðvitað vandræðalega lítið og aðallega hugsað til að „haters“ fái ekki ókeypis efnivið. Þeir þurfa þá allavega að borga smá.“
Hann benti þeim sem langar að hlusta en eiga erfitt með að borga 290 krónur að senda honum skilaboð.
Sjá einnig: Íhuguðu að flytja af landi brott þegar Bónus-stormurinn stóð sem hæst
Prófaðu að endurhlaða síðuna ef þú sérð ekki færsluna hér að neðan.
View this post on Instagram
