Lyf á borð við Ozempic og Wegovy hafa verið mikið á milli tannanna á fólki að undanförnu og það ekki að ástæðulausu. Um er að ræða þyngdarstjórnunarlyf sem upphaflega voru þróuð fyrir þá sem þjást af sykursýki en hafa gagnast öðrum í baráttu við aukakílóin.
„Ég prófaði Ozempic og það ætti ekki að koma ykkur á óvart, þegar þið horfið á mig nuna, að það hafi ekki alveg virkað,“ sagði hann í hlaðvarpsþætti sínum This Life of Mine.
Corden, 46 ára, sagði að hann hafi prófað lyfið „í smá tíma“ en hafi síðan áttað sig á því að það eina sem lyfið gerir er að bæla matarlystina.
„Það sem ég fattaði var: „Ónei, hungur tengist ekkert af hverju ég borða. Eina sem lyfið gerir er að láta þig ekki vera svangan, en ég borða mjög sjaldan vegna hungurs.“
Hann sagði að ástæðan væri flóknari og lægi dýpra. „Það er eitthvað annað en hungur sem lætur mig borða svona.“
James Corden er ekki eina stjarnan sem hefur ekki fílað Ozempic.
Bandaríski leikarinn og grínistinn Tracy Morgan sagðist hafa þyngst um rúmlega átján kíló á lyfinu.
Morgan 55 ára, sagði fyrr á árinu að hann hafi „lært að borða yfir mig á Ozempic, ég hef þyngst um átján kíló.“