Aðdáendur Bridgerton bókanna og samnefndra sjónvarpsþátta eru í sárum í Detroit Bandaríkjunum og segjast hafa verið beittir blekkingum og svikum. Aðdáendur höfðu keypt miða á það sem var auglýst sem glæsilegt ball með Bridgerton-þema og þessir miðar voru ekki ódýrir. Að auki höfðu margir varið miklum fjárhæðum til að komast á ballið, keypt sér gistingu, förðun, hárgreiðslu og svo glæsilega kjóla. Þegar á hólminn var komið var þetta eins og metnaðarlaus árshátíð hjá undirfjármögnuðum grunnskóla.
Miðar á ballið kostuðu á bilinu 21.000-141.000. Gestum var lofað ógleymanlegri kvöldstund með klassískri tónlist, góðum mat, leikriti og svo yrði í anda Bridgerton veitt verðlaun fyrir besta búninginn og krýndur „demantur-árstíðarinnar“.
„Þetta var algjör óreiða. Þeir skönnuðu ekki einu sinni miðana okkar. Við höfðum borgað fyrir mat en svo voru óboðnir gestir þarna úti um allt,“ skrifaði einn vonsvikinn aðdáandi. „Fjölskyldan mín og ég yfirgáfum Bridgerton-ballið í Detroit. Þetta var algjör hörmung. Það var hvergi hægt að setjast. Þó að veislusalurinn hafi verið flottur þá voru skreytingarnar lítilfjörlegar og ósmekklegar. Þetta var ekki einu sinni í anda Bridgerton. Við eyddum 56 þúsund krónum til að kaupa okkur inn í þessu ömurlegu lífsreynslu“
Engin verðlaun voru veitt fyrir búninga, engin demantur krýndur og klassíska tónlistin var ekkert annað en einn einmana fiðluleikari sem flakkaði um salinn. Gestum var lofað dansi og sýningum en það reyndist bara vera ein súludansmær, en aðdáendur Bridgerton kannast ekki við að súludans sé hluti af Bridgerton-heiminum.
@moreofnitaYawll they didnt even pay the photographer💀💀💀♬ Mozart Minuet with violin(815356) – 松本一策
Aðstandendur viðburðarins, Uncle N Me LLC, gáfu út yfirlýsingu í gær þar sem sagði: „Við höfum skilning á því að viðburðurinn stóð ekki undir væntingum allra á sunnudaginn í Harmonie klúbbnum og biðjumst við velvirðingar á því. Við ætluðum okkur að skapa töfrandi kvöldstund en viðurkennum að áskoranir varðandi skipulagið höfðu áhrif á upplifun gesta. Við tökum fulla ábyrgð á þessu og lofum því að við erum að vinna hörðum höndum að því að fara yfir kvartanir til að tryggja að allir gestir fái það sem þeim var lofað. Við skuldbindum okkur til að gera allt sem við getum til að bæta þetta upp“
Myndskeið og myndir frá ballinu sýna gífurleg vonbrigði þar sem prúðklæddir gestir, í glæsilegum kjólum, sitja á gólfinu að kafna úr leiðindum. Einn gestur ræddi við NBC fréttastofuna og sagði vonbrigðin sár. „Allir þessir kjólar sem þessar fallegu konur klæddust, við höfðum allar farið og látið sérsníða þá á okkur. Við eyddum auka pening í búningana, skartgripi, fórum í hárgreiðslu, neglur og svo endaði þetta svona“
Thread about the Bridgerton Ball SCAM in Detroit that I (and hundreds of others) spent $300 on pic.twitter.com/EUgX482w8j
— Rachel Eaton @ Realta (@rayleearts) September 24, 2024
The “dancing” they had was ONE. STRIPPER. pic.twitter.com/lEyL6DbNgf
— Rachel Eaton @ Realta (@rayleearts) September 24, 2024
Ballinu hefur verið líkt við viðburð í Glasgow fyrr á þessu ári þar sem kalla þurfti til lögreglu á viðburð í þema Charlie And the Chocolate factory. Þangað komu fjölskyldur með börn og bjuggust við ógleymanlegri lífsreynslu með söng, sælgæti og gleði. Þess í stað grétu vonsvikin börn og aflýsa þurfti viðburðinum eftir að hann hófst út af reiði foreldra.
