Rapparinn var handtekinn í New York á mánudag eftir að niðurstaða ákærudómstóls lá fyrir. Fyrr á þessu ári gerði bandaríska alríkislögreglan, FBI, allsherjar leit á heimilum hans og áður hafði fyrrverandi kærasta hans, Cassandra Venture, stigið fram og sakað hann um ítrekuð kynferðisbrot og ofbeldi.
Sjá einnig: Skuggaleg hegðun Sean Combs:Margra daga orgíur, barnaolía í lítravís og vökvi í æð
Ný bók sakar Diddy um hrottalega hegðun. Bókin er sögð vera dagbók fyrirsætunnar og leikkonunnar Kim Porter, barnsmóður Diddy, sem lést árið 2018 úr lungnabólgu.
Í bókinni er rapparinn sakaður um að beita Porter ofbeldi, taka upp myndband af sér stunda kynlíf með karlkyns poppstjörnu á táningsaldri og halda kynlífspartý með Óskarsverðlaunahafa og eiginkonu hans.
Porter og Diddy voru saman og í sundur í þrettán ár og eignuðust þrjú börn saman.
Bókin er sextíu blaðsíður og spannar líf Porter frá tíunda áratugnum þar til hún lést úr lungnabólgu árið 2018. Það hefur ekki verið staðfest að um sé að ræða raunveruleg orð Porter og dagbók hennar.
Í bókinni á Porter að hafa rifjað upp óhugnanlega uppgötvun, þegar hún fann kynlífsspólur af Diddy með „ungum strákum“ sem hann var að leiðbeina í bransanum. Einn af drengjunum á að hafa verið átján ára poppstjarna sem varð síðar stórstjarna og nafn þekkt á hverju heimili.
Lokablaðsíðurnar fjalla um lokadaga Porter, þegar hún varð mjög veik og á að hafa sent vinkonum sínum skilaboð: „Hann náði mér“ og hringt síðan í neyðarlínuna.
Útgefandi bókarinnar, Chris Todd, heldur því fram að Porter hafi gefið vinum sínum minnislykil með dagbók sinni. Hann segir að einn af þeim, sem hann segir hafa verið mjög náinn Porter og Diddy, hafi látið hann fá minnislykilinn. Hann gaf bókina út þann 6. september, nokkrum dögum áður en Diddy var handtekinn, undir dulnefninu Jamal T. Millwood. Fyrst þorði hann ekki að nota sitt rétta nafn af ótta við Diddy en segir í samtali við DailyMail að hann hafi ákveðið að stíga fram og afhjúpa sitt rétta nafn eftir handtöku Diddy, honum hafi þótt hann öruggari þá.
Todd hefur ekki sýnt fram á nein gögn til að staðfesta að um sé að ræða raunveruleg orð Porter og dagbók hennar.
„Hann hélt partý sem var bara fínt nafn fyrir orgíur og allir vildu taka þátt. Við fórum ekki bara í trekanta heldur skiptum einnig um maka. Kynlífið okkar var klikkað en ég fékk að gera hluti með Sean sem ég hefði aldrei fengið að gera með gagnkynhneigðum karlmanni,“ kemur fram í bókinni.
Hún á einnig að hafa skrifað að hún og Diddy voru í opnu sambandi og að hún hafi reglulega sofið hjá rapparanum Tupac Shakur, sem lést árið 1996.
Í bókinni er sagt að Diddy hafi lagt fyrst hendur á Porter eftir að hún neitaði að nota „strap-on“ á hann.
„Hann sagði: „Ég get ekki hætt að huga um þetta kvöld. Þetta var frábært. Geturðu riðið mér einu sinni enn, plís?!“ Ég varð brjáluð,“ kemur fram í bókinni og á Porter að hafa sagt Diddy að stunda frekar kynlíf með karlmanni í tónlistarbransanum sem hún var viss um að hann væri að halda framhjá henni með.
„Síðan sló Sean mig. Þetta var fyrsta skiptið en hann sló mig fast, áður en ég gat sagt eitthvað byrjaði hann að grátbiðja mig um fyrirgefningu.“
Í bókinni er því haldið fram að Porter hafi fundið myndbandsspólur af kynlífsathöfnum Sean með öðrum aðilum í hvelfingu í svefnherberginu hans, og hún á einnig að hafa gert auka eintök til að vernda sjálfa sig, en á þeim tíma var hún byrjuð að undirbúa flótta frá honum.
Porter er sögð hafa verið í áfalli þegar hún horfði á spólurnar. „Sumt sem ég sá hefði ég aldrei búist við. Hommapartíin voru eitt, en ungu drengirnir og [tvær hiphop-stjörnurnar sem hann vann með] og síðan [18 ára poppstjarnan]?! Mér hefði aldrei dottið þetta í hug.“
