,,Ég fór til Parísar til að keppa á mínum öðrum Ólympíuleikum. Í gegnum tíðina hef ég gert mitt besta til að samtvinna tvær helstu ástríður mínar, sund og tónlist, og að gefnu tilefni langaði mig til að gera eitthvað virkilega sérstkt vegna Ólympíuleikanna nú í ár. Ég ákvað að gefa út lag og tónlistarmyndband sem nefnist „Spirit in motion” og er þetta óður frá hjarta íþróttamannsins til leikanna,” segir sundkappinn og tónlistarmaðurinn Már Gunnarsson.

Már náði sjöunda sæti í úrslitasundinu sínu á Ólympíumóti fatlaðra í París í gær og setti Íslandsmet um leið. Það var slegið heimsmet í sundinu. 

,,Lagið fjallar um allt það góða sem sameinar okkur á Ólympíuleikum, samkennd, vináttu og keppnisskap, en einnig sársaukann og ómælda vinnuna sem fólk leggur á sig til að skara fram úr.”

Lagið er tekið upp að hluta á Íslandi en the Royal Northern College of Music Session orchestra frá Manchester spilar undir.