Eric, 68 ára, fer yfir hápunkta og lápunkta ferilsins í nýrri sjálfsævisögu Runaway Train: Or the Story of My Life So Far. Hann ræðir um samband hans við Juliu og Emmu í bókinni. People greinir frá.
Árið 2018 vöktu ummæli hans mikla athygli. Hann sagði í viðtali við Vanity Fair: „Ef það væri ekki fyrir mig þá væri engin Julia Roberts og engin Emma Roberts, ekki sem stjörnur, sem leikkonur, og ég er mjög stoltur af því.“
Eric, sem hefur glímt við kókaínfíkn í gegnum árin, hefur nú tekið þetta til baka.
„Ég vona að Julia muni taka þessa afsökunarbeiðni góða og gilda. Það er fáránlegt að ég hafi sagt þetta.“
Hann ræðir einnig um fíknivanda sinn í bókinni og segir að hann hafi haft bein áhrif á samband hans við Juliu og systur þeirra Lisu Roberts Gillan.
„Það kæmi mér ekki á óvart ef þær væru með áfallastreituröskun frá því að það var hættulegt að vera í kringum mig. Lisa og Julia þurftu ást og öryggi, en í stað fengu þær ótta og óvissu.“
En samband hans við systur hans var ekki eina afleiðingin af fíkniefnaneyslu hans. Eric segir að það hafi verið verst að „missa Emmu.“
Emma er dóttir Eric og fyrrverandi eiginkonu hans, Kelly Cunningham. Þau hættu saman þegar hún var barn. Julia Roberts stóð við bak Kelly í forræðisdeilunni gegn Eric.
Samkvæmt People fer Eric ekki út í smáatriði um þetta í bókinni en segir að Julia hafi tekið rétta ákvörðun.
„Ég ímynda mér að ég muni vera bróðir Juliu og pabbi Emmu það sem eftir er ævi minnar. Og ég vil standa mig vel […] það er ein af ástæðunum fyrir því að ég skrifaði þessa bók.“
