„Jæja, hér erum við. Eftir 28 ára samband og 21 árs hjónaband þá höfum við ákveðið að skilja,“ kom fram í yfirlýsingu frá hjónunum á Instagram í gær.
„Við tókum þessa ákvörðun eftir mikla umhugsun, eins erfitt og það er að skilja þá lítum við björtum augum fram á veginn því við vitum hvað er það besta í stöðunni fyrir okkur.“
Þau sögðu að sambandið þeirra væri enn sterkt, bara öðruvísi.
„Við erum stolt af því hvernig við höfum dílað við þetta. Já, við erum sorgmædd og við þurfum að finna út úr því hvernig við höldum áfram í breyttan veruleika. Saman en samt í sundur.
En hér er málið, við höfum verið bestu vinir í svo mörg ár. Við erum ennþá saman um hátíðarnar, horfum á uppáhalds þættina okkar saman og eyðum tíma saman sem fjölskylda. Þannig, stóra spurningin er: Af hverju?
Einfalda svarið er: Við erum búin að breytast, eins og fólk gerir, og við vorum orðin vön því að leika hlutverk sem pössuðu ekki lengur við okkur.
Eftir mikla umhugsun ákváðum við að taka þetta skref, sem sýnir hver við erum í dag. Tengingin á milli okkar er enn sterk, hún hefur bara breyst. Þetta var mjög vel heppnað hjónaband að okkar mati. Og núna hlökkum við til að skapa fleiri minningar, bara á öðruvísi hátt.“
Prófaðu að endurhlaða síðuna ef þú sérð ekki færsluna hér að neðan.
View this post on Instagram
Remini og Pagán eiga saman dóttur, Sofiu Bellu, sem er tvítug. Pagán á þrjá syni úr fyrra sambandi og tvö barnabörn.