Leia hefur unnið í alls konar skrifstofustörfum í tæplega áratug og segir að á hverjum vinnustað varð hún vör við megrunarmenningu (e. diet culture).
Hún kallar þetta „fyrirtækja megrunarmenningu“ og lýsir henni þannig að samstarfsfélagar láti eins og þeir borði ekki eða geri athugasemd við matinn sem annað fólk borðar.
Leia segir að það sé algengt að heyra fólk segja: „Ég hef verið góð í dag,“ sem þýðir að sú manneskja hefur ekki borðað.
Hún segist einnig hafa þurft að hlusta á athugasemdir samstarfsfélaga varðandi hennar hádegismat, eins þegar hún var að borða pasta og einn sagði við hana: „Vá, þú ert svo heppin að þú getur borðað þetta.“
„Þetta er þráhyggja, bæði fyrir því sem þú borðar og því sem annað fólk er að borða. Það er með á heilanum að grennast og tengir siðferði við mat,“ sagði Leia í samtali við News.com.au.
„Ég held að þetta gefi líka fólki tækifæri til að fá samþykki eða viðurkenningu fyrir því sem það er að gera. Þetta verður eins konar keppni.“
Leia vakti fyrst athygli á þessu á samfélagsmiðlum og leyndu viðbrögðin sér ekki. Hundruð kvenna höfðu sömu sögu að segja varðandi megrunarmenningu á sínum vinnustað.
„Ég hef ekki tölu á því hversu oft ég hef verið smánuð fyrir að borða hrísgrjón,“ sagði ein.
„Það er svo sorglegt þegar fólk montar sig af því að hafa sleppt hádegismat,“ sagði önnur.
