Fyrst var talið að andlátið hafi borið að með saknæmum hætti og greindi umboðsskrifstofa hennar frá því að lögreglan væri að rannsaka það sem morð.
Nú hefur dánarorsök hennar verið opinberuð. Sophie Leone lést eftir að hafa tekið of stóran skammt af eiturlyfjum. TMZ greinir frá.
„Fjölskylda Sophie er í molum og áfalli vegna skyndilegs fráfalls hennar. Sophie var ástkær dóttir, systir, barnabarn, frænka og vinkona. Hún elskaði dýr, sérstaklega gæludýrin sín,“ kemur fram á GoFundMe-síðu fjölskyldunnar.
Ein af síðustu færslunum sem hún birti á samfélagsmiðlum hefur verið dregin aftur fram í sviðsljósið í kjölfar fregna um fráfall hennar. Þetta voru einnig síðustu skilaboð hennar til aðdáenda, en allir mættu taka þau til sín.
„Farðu út og njóttu lífsins aðeins meira í dag,“ skrifaði hún með mynd af sér setja upp friðarmerkið.
Prófaðu að endurhlaða síðunni ef þú sérð ekki færsluna hér að neðan.
View this post on Instagram
