Alicia, sem var stórstjarna tíunda áratugarins og lék í smellum á borð við Clueless, birti myndband af sér á TikTok borða ávöxtinn og spurði netverja hvort þeir vissu hvaða ávöxtur þetta væri.
@aliciasilverstoneWhat the heck is this!? I’m in England and can’t figure it out. 🤔♬ original sound – Alicia Silverstone
„Ókei, ég hef fundið eitthvað og ég veit ekki hvað þetta er, ég þarf ykkar hjálp,“ sagði hún.
„Ég beit í þetta því þetta var á götunni og við vorum að tala um hvort þetta væri tómatur eða ekki, því þetta er ekki tómatur, sjáið laufblöðin. En ef ég bít í þetta, áttu að borða þetta? Þetta er næstum eins og paprika. Getur einhver sagt mér hvað þetta er? Takk!“
Netverjar voru fljótir að benda henni á að þetta væri „solanum pseudocapsicum“, betur bekkt sem „kirsuber Jerúsalem“ og er eitrað.
„Allir hlutar plöntunnar eru eitraðir, sérstaklega óþroskaði ávöxturinn. Einkenni geta verið hiti, sviti, uppköst, magaverkur, hausverkur og hraður hjartsláttur,“ kemur fram á vef eitrunarmiðstöðvarinnar í Queensland. News.com.au greinir frá.
Það kemur einnig fram að fólk hefur dáið eftir að hafa innbyrt plöntuna.
Aðdáendur höfðu því miklar áhyggjur af leikkonunni sem svaraði engum athugasemdum í næstum heilan sólarhring.
Í gærkvöldi lét hún alla vita að hún væri lifandi og við fulla heilsu. „Engar áhyggjur, ég kyngdi ekki,“ sagði hún kímin.
Alive and well! Don’t worry… I didn’t swallow 😉😛 pic.twitter.com/sREsE0mqw3
— Alicia Silverstone (@AliciaSilv) August 20, 2024