Hún varar aðra við að gera sömu mistök og hún: Að hafa einfalt lykilorð á símanum. En hún segir að vegna þess að hún hafi verið með – þá gátu þjófarnir opnað símann hennar og komist inn í heimabankann hennar og stolið 12 þúsund pundum eða um 2,1 milljónum krónum.
„Ef þú ert að fara í ferðalag með vinkonum þínum og vinum, ekki gera sömu mistök og ég!“ sagði hún við fylgjendur sína á TikTok. „Þessi mistök kostuðu mig rúmlega 2,1 milljón.“
Lydia var í bátsferð með um fimmtíu manns þegar hún áttaði sig á því að síminn hennar væri ekki lengur í veskinu. Hún lét fólkið vita sem var að sjá um partýið í bátnum og það sagðist ætla að leita á öllum þegar báturinn kæmi í höfn.
„Mín mistök voru að treysta þeim, því að sjálfsögðu leituðu þau ekki á öllum,“ segir hún.
Þetta var rétt svo byrjunin.
„Önnur mistök voru að setja ökuskírteinið mitt í hulstrið aftan á símanum. Afmælisdagurinn minn, sem er á ökuskírteininu, er lykilorðið í símann minn og líka lykilorðið fyrir heimabankann minn.“
Þjófarnir áttuðu sig á því og millifærðu rúmlega 2,1 milljón á annan reikning. Þar að auki mun Lydia alltaf vera í hættu að þjófarnir steli auðkenni hennar, taki út lán á nafninu hennar þar sem þeir eru með aðgang að öllum hennar persónulegu upplýsingum.
„Lærdómurinn sem þið ættuð öll að draga af þessu er að aldrei setja skilríki í símahulstrið þegar þið farið í frí, eða bara aldrei!“
Lydiu tókst að fá peninginn til baka, ekki með aðstoð lögreglunnar í Zante, sem hún segir að hafi alls ekki verið hjálpleg. En með því að fara á marga fundi hjá bankanum og lögreglunni, skipta um bankareikninga, loka gömlu og tilkynna millifærsluna sem þjófarnir gerðu, þá tapaði hún engu nema auðvitað símanum og ökuskírteininu.
