Leikkonan Jennifer Aniston er vantrúuð á ummælum J.D. Vance varaforsetaefni Trump sem komu upp á yfirborðið fyrr í vikunni. 

Ummæli Vance frá júlí 2021 í viðtali við Fox News vöktu afhygli eftir að þeim var dreift að nýju á netinu og deildi Aniston bút af því hjá sér í story á Instagram. Þar vísaði Vance til lýðræðislegra stjórnmálamanna og fullyrti að Bandaríkin væru undir stjórn „barnlausra kattakvenna sem eiga bágt með eigið líf og … vilja gera restina af landinu líka ömurlega.“

„Ég trúi því varla að þetta komi frá hugsanlegum varaforseta Bandaríkjanna,“ skrifar Aniston.

„Það eina sem ég get sagt er… Herra Vance, ég bið þessað dóttir þín verði svo heppin að eignast eigin börn einn daginn,“ segir Aniston, sem hefur opnað sig um erfiðleika sína að eignast börn og reynslu sinni af IVF-meðferð.

„Ég vona að hún þurfi ekki að snúa sér að glasafrjóvgun sem valkosti. Vegna þess að þú ert að reyna að taka það frá henni líka.“

Í viðtalinu hélt Vance því fram að Kamala Harris varaforseti Bandaríkjanna, Alexandria Ocasio-Cortez fulltrúadeildarþingmaður og Pete Buttigieg samgönguráðherra væru „barnlaust fólk“ sem stjórnaði „allri framtíð demókrata“. „Hvernig getur það staðist að við höfum framselt landið okkar til fólks sem á ekki beinan hlut í því?“ sagði hann.

JD Vance says women who haven’t given birth like Kamala Harris are “childless cat ladies who are miserable at their own lives,” and have “no direct stake” in America. pic.twitter.com/3DJY3pQTGe

— Ron Filipkowski (@RonFilipkowski) July 22, 2024

Vance, sem á þrjú börn með eiginkonu sinni Usha, synina Ewan, sex ára, og Vivek, fjögurra ára, og dótturina Mirabel, tveggja ára, var útnefndur varaforsetaefni í framboði Donald Trump þann 15. Júlí. Næstum viku síðar tilkynnti Joe Biden forseti að hann sækist ekki lengur eftir endurkjöri og samþykkti Kamelu Harris varaforseta sem frambjóðanda demókrata.

Harris, sem er 59 ára, er stjúpmóðir tveggja barna eiginmanns síns Doug Emhoff, sonarins Cole, 29 ára, og dóttur Ellu, 25 ára.

Aniston opnaði sig um IVF ferð sína árið 2022 í viðtali við tímaritið Allure. Sagðist hún þakkláta fyrir að hafa gengið í gegnum erfitt og krefjandi tímabil. 

„Ef ég hefði ekki gengið í gegnum þessa erfiðleika hefði ég aldrei orðið sú sem mér var ætlað að vera,“ sagði hún. „Ég hef eytt svo mörgum árum í að vernda sögu mína um glasafrjóvgun. Ég hef haldið þessum hlutum fyrir sjálfa mig því mér finnst eins og það sé svo lítið sem ég fæ að halda fyrir mig. … en ég hef ekkert að fela.“