Bandaríska leikkonan Halle Berry fagnaði 20 ára afmæli kvikmyndarinnar Catwoman í gær með því að birta myndir af sér fáklæddri.
Leikkonan sem er orðin 57 ára stillti sér upp með tveimur svörtum köttum til að minnast afmælis myndarinnar, en Berry lék aðalhlutverkið, Kattarkonuna sjálfa.
„Og aftur… mjá! Það eru 20 ár í dag síðan ég fékk þann heiður að leika þessa goðsagnakenndupersónu. Hún mun alltaf standa nærri hjarta mínu og ég mun að eilífu vera Patience Phillips aka CATWOMAN! Að eilífu þakklát.“
View this post on Instagram
Berry segir einnig að aðdáandi hennar að nafni Jee hafi hjálpað henni að bjarga köttunum sem sitja fyrir með henni. Þeir hafi birst í garðinum hennarí leit að móður sinni og Jee hafi aðstoðað hana við að bjarga þeim.
Fylgjendur Berry áttu varla orð til að lýsa hrifningu sinni og sögðu hana líta stórkostlega út.
Catwoman var frumsýnd í kvikmyndahúsum í Bandaríkjunum 23. júlí 2004, myndin floppaði algjörlega og þénaði aðeins 82,4 milljónir dala í miðasölu um allan heim en kostaði 100 milljón dali í framleiðslu. Sömuleiðis fékk hún ekki háar einkunnir á kvikmyndavefsíðum
„Ég elskaði ekki gagnrýnina. Þar sem ég er þeldökk kona er ég vön því að fá á mig gagnrýni,“ sagði hún við Entertainment Weekly í síðustu viku. „Ég er vön að ögra staðalímyndum. Það fór ekki með mig vegna þess að ég hef barist sem blökkukona allt mitt líf. Smá slæmt umtal um kvikmynd? Ég elskaði það ekki, en það braut mig ekki niður eða kom í veg fyrir að gera það sem ég elska að gera.“