Hin 42 ára gamla Amber Estenson, sem er fædd og uppalin í Minnesota i Bandaríkjunum, ætlaði sér aldrei að verða efnishöfundur á samfélagsmiðlum. Hún er móðir, óperusöngkona, kennari og margt fleira, en í dag er hún best þekkt yfir milljónum fylgjenda sinna á samfélagsmiðlum sem That Midwestern Mom eða Miðvesturríkjamamman.
Karakterinn sem hún sýnir á samfélagsmiðlum byggir hún lauslega á móður sinni með ýktri rödd og er þekktust fyrir skemmtilegan húmor sinn og salatuppskriftir. Fyrsta myndbandið með henni sem varð vinsælt á samfélagsmiðlum var af henni á rölti um hverfisverslunina með rúllur í hárinu. Ekki flókið, en sló í gegn. Vinsælasta myndbandið hennar til þessa er uppskrift, að salati með Snickers!
Og það er auðvelt að sjá af hverju fylgjendur Estenson heillast af henni, hún er brosmild, eldhress orkubolti sem sýnir frá hversdeginum eða ferðast um heiminn og tekur fylgjendur sína með.
Nýlega var Estenson stödd hér á landi í tvær vikur ásamt hópi ferðafélaga, hún fór til Vestmannaeyja, gekk Laugaveginn, skoðaði Skógafoss, söng í íshelli og margt fleira. Héðan hélt Estenson síðan til Bretlands.
Fylgja má Estenson á Facebook, Instagram og TikTok.
View this post on Instagram
View this post on Instagram
View this post on Instagram
View this post on Instagram
View this post on Instagram