Ferill stórstjörnunnar Katy Perry er sagður riða til falls eftir að nýjasta lag hennar brotlenti harkalega. Lagið Woman´s world var frumsýnt þann 11. júlí síðastliðinn og átti að marka endurkomu Perry með miklum hvelli. Um var að ræða fyrsta lagið á tilvonandi plötu Perry. Gagnrýnendur hafa hins vegar tætt lagið í sig og segja það lélegt, ófrumlegt og hreinlega heimskulegt. Þá er tónlistarmyndbandið við lagið sérstaklega umdeilt og hafa aðdáendur stjörnunnar keppst við að furða sig á því. Lagið hefur engan veginn staðið undir væntingum á vinsældarlistum um allan heim, listum sem Perry var vön að tróna á toppinum á á árum áður.

En það er ekki síður sú ákvörðun Perry að búa til lag, sem virðist hafa átt að vera einskonar femínskur óður, með hinum umdeilda Dr. Luke sem hefur gert það verkum að aðdáendur eru að snúa við henni bakinu..

Árið 2014 sprakk allt í loft upp milli söngkonunnar Keshu og tónlistarframleiðandans Dr. Luke. Kærði Kesha hfyrir um að hafa brotið á sér með margvíslegum hætti, kynferðislega og beitt hana andlegu ofbeldi. Tónlistarframleiðandinn svaraði með því að kæra Keshu fyrir rangar sakagiftir. Málið velktist um í fjölda ára en árið 2023 var greint frá því að deiluaðilarnir hefðu náð sáttum.

Ein af ótrúlegri senum í þessari deilu var meðal annars sú fullyrðing Keshu að Dr. Luke hefði nauðgað Katy Perry, eitthvað sem Perry hefur staðfastlega neitað.

Eins og gefur að skilja er Dr. Luke gríðarlega umdeildur og því vakti það mikla furðu að Perry hafi kosið að vinna með honum að nýju plötunni.

Útlitið er því frekar svart hjá Perry þessi dægrin en von er á öðru lagi hennar á næstunni. Er mikið undir hjá Perry að það lag endi ekki líka í hakkavélinni.

Hér má hlusta á umdeilda og sjá furðulegt myndbandið: