Sumar sögur eru lyginni líkastar, en eru þó sannar. Ein slík er sagan um Michel Lotito sem vann sér það til frægðar að borða heila flugvél.
Michel Lotito fæddist árið 1950 í Grenoble France og varð frægur fyrir að borða óæta hluti. Frægasta máltíð hans tók hann heil tvö ár, en á árunum 1978-1980 borðaði hann heila fjögurra sæta Cessna flugvél. Hvernig, gætu margir spurt. Svarið er einfalt. Hann borðaði hana með því að fá sér einn bita í einu.
Hann braut vélina niður í munnbita. Svo drakk hann hráolíu og vatn á meðan hann kyngdi bitunum. Olíuna notaði hann sem sleipiefni til að tryggja að járnið kæmist niður í maga.
Lotito fékk viðurnefnið Monsieur Mangetout í heimalandi sínu, sem mætti þýða sem „Herra alæta“. Hann glímdi við sjaldgæfa átröskun sem kallast pica. Einkenni röskunarinnar er að sjúklinga eru haldnir óseðjandi þörf til að borða hluti sem eru næringasnauðir og furðulegir á borð við járn, gúmmí, bómull og hvaðeina. Lotito var eins með óvenju þykkan maga og óvenju kröftugt meltingarkerfi sem gat melt nánast hvað sem er. Læknar sögðu honum að hann gæti borðað tæpt kíló af járni á dag út af ofurmeltingunni.
Lotito skráði sig í heimsmetabók Guinnes fyrir furðulegasta mataræðið. Fyrir það afrek fékk hann látúns minnisvarða sem hann að sjálfsögðu borðaði.
Talið er að hann hafi á ævi sinni borðað:
Það furðulegasta við þetta allt saman er að Lotito fannst þetta ekkert mál. Honum var þó ómögulegt að borða mjúkan mat á borð við banana eða harðsoðin egg. Slíkur matur gerði hann veikan.
Lotito lést árið 2007 af náttúrulegum völdum. Hann var þó aðeins 57 ára gamall.
