Sjá einnig: Ef þú gengur ennþá um með þetta í vasanum þá ertu miðaldra
Nýjustu fréttir geta reynst þúsaldarkynslóðinni erfiðar, en samkvæmt hinni nítján ára gömlu fyrirsætu, Söruh Coomer, þá eru magabolir ekki lengur töff.
Það mætti segja að yfirlýsing Söruh hafi skipt netverjum í fylkingar. Æstir meðlimir þúsaldakynslóðarinnar sögðu magaboli og magapeysur enn í tísku, en yngra fólk tók undir með henni.
„Mér finnst magabolir vera að detta úr tísku,“ sagði Sarah.
„Þeir voru mjög lengi í tísku, voru algjör klassík og nánast í öllum fataskápum. En núna er nýtt trend að koma sterkt inn, þetta „old money“ útlit og magabolir passa ekki þar inn í.“
Z kynslóðin hefur verið með tísku ríka og fína fólksins á heilanum og hefur til dæmis fatastíll Sofia Richie verið lofaður hástert.
Sarah sagðist eiga endalaust af magabolum og -peysum og bað netverja um ráð hvað hún ætti að kaupa í staðinn. Hún fékk því miður lítið af ráðum en tískuunnendur tókust á um hvort magabolurinn lifir áfram eða ekki.
En munum, þegar öllu er á botninn hvolft þá skiptir þetta engu máli. Fólk á að klæðast því sem það vill, óháð yfirlýsingum ungu kynslóðarinnar eða núverandi tískustraumum. Tískan fer hvort sem er alltaf í hringi.