„Í mörg ár hef ég vitað skítugt lítið leyndarmál um okkur konurnar og þetta er meira að segja frekar algengt leyndarmál. En það var ekki fyrr en í síðustu viku sem ég fékk grun minn staðfestan.“
Jana var að hlusta á hlaðvarpið Diary of a CEO. Gestur þáttarins var frægur skilnaðarlögfræðingur, James Sexton.
Sjá einnig: Ríkur karlmaður setti eiginkonu sinni klikkaða reglu – „Svívirðilegasti“ kaupmáli sögunnar
Aðspurður hvor heldur oftar framhjá í sambandi, karl eða kona, sagði Sexton: „Bæði karlmenn og konur halda framhjá, og þau gera það gríðarlega oft.“
Jana bendir á orðanotkun hans. „Hann sagði „bæði“ og „gríðarlega oft,““ segir hún í pistli á News.com.au.
„Ég held að þú getir ekki sagt að karlinn eða konann geri það oftar en hinn aðilinn. Ég held að karlmenn séu oftar sakaðir um að eyðileggja sambönd með framhjáhaldi heldur en konur,“ sagði Sexton.
Jana segir að þessi uppgötvun hafi haft mikil áhrif á hana. „Í mörg ár hef ég haldið að karlmenn haldi oftar framhjá en konur, en mín upplifun hefur verið önnur. Vinkonur mínar (og já því miður ég líka) hafa haldið framhjá. Munurinn á okkur og karlmönnum er að við erum betri að halda þessu leyndu. Við erum sérfræðingar að fela slóðina,“ segir hún.
„Karlmenn gleyma sér, þeir gleyma að eyða skilaboðum úr símanum, gleyma að eiginkonur þeirra skoða símareikningana þeirra, bankareikningana og þrífa fötin þeirra með varalitafari annarrar konu.
Vinkona mín komst að framhjáhaldi eiginmanns hennar eftir að barnið þeirra fann tómt smokkabréf í aftursætinu á bílnum þeirra.
Önnur vinkona mín fór í gegnum síma eiginmannsins eitt kvöldið þegar hann kom heim fullur og komst að því að hann hefði átt hjákonu í fjögur ár. Öll skilaboðin voru enn í símanum hans.
Vinkonur mínar eru hins vegar eins og leynilögreglumenn […] þú munt ekki finna neitt sem sannar sekt þeirra.“