Leikkonan Gena Rowlands er með Alzheimers-sjúkdóminn. Leikkonan varð 94 ára þann 19. júní. Sonur hennar, leikstjórinn Nick Cassavetes tilkynnti veikindi móður sinnar.
Nicholas Sparks höfundur bókarinnar The Notebook, sem kom út árið 1996, segist hugsa hlýtt til leikkonunnar, sem þekktust er fyrir hlutverk sitt í samnefndri kvikmynd frá árinu 2004, sem sonur hennar leikstýrði. Þar lék Rowlands eldri útgáfu af Allie, en leikkonan Rachel McAdams þá yngri. Myndin fjallar um ástarsamband Allie og Noah, leikinn af Ryan Gosling og James Garner.
Cassavetes segir í viðtali við Entertainment Weekly að honum finnst undarlegt að hugsa til þess að karakterinn sem móðir hans lék í The Notebook var einnig með Alzheimers.
„Ég fékk móður mína til að leika eldri Allie og við vörðum miklum tíma saman í að tala um Alzheimer því við vildum að persóna hennar yrði einlæg. Núna síðustu fimm árin hefur hún sjálf verið að glíma við Alzheimers. Sjúkdómurinn hefur tekið yfir en þetta er svo klikkað því við höfum þekkt fólk með sjúkdóminn, hún lék þetta og nú er komið að okkur,“ segir Cassavetes.
„Alzheimer er svo grimmur sjúkdómur. Á dögum eins og í dag minnist ég á kraftmikillar túlkunar Genu á Allie og dýptina sem hún færði persónunni. Frammistaða hennar snerti milljón hjörtu og hjálpaði við að lífga upp á sögu mína á þann hátt sem ég hafði aldrei ímyndað mér.
Það er sannur heiður að hafa unnið með svona hæfileikaríkum listamanni og hugsanir mínar og bænir eru hjá Genu, Nick og fjölskyldu þeirra á þessum krefjandi tíma. Mér mun alltaf þykja vænt um arfleifð hennar í kvikmyndum og áhrif hennar á The Notebook,“ segir Sparks.
Rowlands á nærri sjö áratuga feril að baki og hefur unnið til fjölda verðlauna fyrir hlutverk sín. Hún hætti störfum árið 2014, þá 84 ára að aldri. Mörg hlutverka hennar eru í myndum sem eiginmaður hennar John Cassavetes leikstýrði, hann lést árið 1989.
