Aðdáendur Barbie ættu að kætast og kaupa sér farmiða til London því föstudaginn 5. júlí opnar risasýning um dúkkuna frægu í Hönnunarsafninu í Kensington (e. The Design Museum). Sýningin verður opin til 23. febrúar á næsta ári.
Sýningin mun fagna 65 ára afmæli Barbie og verður þróun hennar í hönnun skoðuð frá fyrsta degi til dagsins í dag. Yfir 250 hlutir verða á sýningunni, allt frá sjaldgæfum, einstökum og nýstárlegum dúkkum frá 1959 til dagsins í dag.
Fyrsta tilkynningin um sýninguna var gefin út í nóvember 2023 og loksins eftir þriggja ára skipulagningu er komið að opnun.
