„Raw dogging“ snýst um að gera gjörsamlega ekkert í flugi. Það má ekki horfa á sjónvarpið, hanga í símanum, hlusta á tónlist, lesa bók eða tímarit. Það má heldur ekki borða. Sumir ganga svo langt og sleppa því að drekka vatn.
Bandarískur áhrifavaldur vakti athygli á tilkomu trendsins á TikTok. „Ég hef aldrei séð jafn marga vera að „raw dogging“ í einu flugi,“ sagði Michelle í myndbandi á TikTok.
„Fólk var bókstaflega bara að stara beint fyrir framan sig. Þetta var fimm klukkutíma flug!“
Sumir segja að það sé hægt að rekja þetta trend til Apple TV+ sjónvarpsþáttanna Hijacked þegar persóna Idris Elba, Sam Nelson, þurfti að sitja rúmlega sjö tíma flug án þess að gera nokkuð annað, meðal annars borða, því óprúttnir aðilar höfðu tekið yfir flugvélina.
NY Post greinir frá því að „raw dogging“ snýst um að einstaklingar láti reyna á eigin þolmörk, bæði andleg og líkamleg.
„Ég var að „raw dogga“ sjö tíma flug (persónulegt met),“ sagði breski plötusnúðurinn Wudini í myndbandi á TikTok, hann er með yfir þrettán milljónir fylgjenda á miðlinum.
„Engin heyrnartól, engin bíómynd, ekkert vatn, ekkert. Ótrúlegt. Heilinn minn þekkir engin takmörk.“
Aðrir netverjar hafa tekið þátt í nýja ferðatrendinu. Einn sló persónulegt met þegar hann horfði bara á flugkortið allt flugið, sem var ellefu klukkutímar.
Ástralski tónlistarmaðurinn Torren Foot gerði bókstaflega ekkert í fimmtán klukkutíma flugi.
En þetta trend er ekki bara fyrir karlmenn. Myndband sem ferðaáhrifavaldurinn Sophi Cooke birti af móður sinni vakti mikla athygli, en hún gerir þetta í hverju flugi og hefur gert það um árabil.
@cookestraveltok Queen Pat 😇 #travel #airplane #traveltok #europe #traveltiktok #europe2023 #swissair #airline ♬ original sound – SophiAndyTravel