MS er ólæknandi taugasjúkdómur þar sem taugafrumur í heila og mænu skemmast.
„Ég er eiginlega í helvíti. Ég fer ekki mikið út, þannig þetta er frekar erfitt, bara fyrir kerfið mitt,“ sagði Applegate í Good Morning America í mars.
Leikkonan heldur úti hlaðvarpinu MeSsy ásamt leikkonunni Jamie-Lynn Sigler. Sadie var gestur í nýjasta þætti og hún opnaði sig um greininguna.
POTS er lítt þekktur sjúkdómur sem orsakast af röskun í taugakerfi. Á Heilsuveru kemur eftirfarandi fram um sjúkdóminn:
Aukin hjartsláttartíðni vegna stöðubreytingar (e. Postural orthostatic tachycardia syndrome) er heilkenni sem veldur því að hjartsláttartíðni eykst við það að setjast eða standa upp.
Í þættinum sagði Sadie að þó hún hafi bara nýlega fengið greininguna þá hafi hún lifað með sjúkdómnum í langan tíma. Hún rifjaði upp þau mörgu skipti sem hún þurfti að leita til skólahjúkrunarfræðingsins, stundum sinnum oft á dag.
„Ég var kannski í tíma og stóð upp og var alveg: „Ég þarf að fara til hjúkkunnar, ég get þetta ekki.“ Eða ég var í leikfimitíma og sagði: „Ég þarf að fara til hjúkkunnar,““ sagði Sadie og bætti við að hún hafi fengið lítinn stuðning frá starfsfólki skólans.
„Það var sagt við mig að ég væri að þessu til að sleppa við tíma og að þetta væri bara kvíði.“
Leikkonan sagðist miður sín að Sadie sé með sjúkdóminn.
„Ég er sorgmædd, en ég elska þig og ég veit að það verður í lagi með þig. Ég er til staðar fyrir þig og ég trúi þér. Takk fyrir að vekja athygli á þessu,“ sagði hún við dóttur sína.
„Það að enginn gerði neitt í þessu í skólanum hafði bæði líkamleg og andleg áhrif á mig,“ sagði Sadie.
Christina viðurkenndi að hún hafi fyrst um sinn vísað einkennum dóttur sinnar á bug og haldið að þetta væri bara unglingaleti. „Mér líður hræðilega að við vorum ekki meira vakandi fyrir þessu,“ sagði hún.
Hlustaðu á þáttinn með Sadie hér að neðan.