Full Metal Jacket kom út árið 1987 og er ein þekktasta stríðsmynd allra tíma en hún segir frá bandarískum hermönnum í Víetnam stríðinu.
Hægt er að leigja myndina á vef Amazon en athygli vekur að búið er að fjarlægja áletrunina „BORN TO KILL“ af hermannahjálminum sem prýðir plakat myndarinnar.
Modine vakti athygli á þessu á X og var ekki mjög hrifinn ef marka má færslu hans. Spurði hann hver hefði tekið ákvörðunum að fjarlægja áletrunina af og benti á að verið væri breyta einstakri hönnun listamannsins Philip Castle sem hannaði plaköt fyrir nokkrar myndir Stanley Kubrick.
Sá sem hefði tekið þessa ákvörðun hefði misskilið hönnunina og skilaboðin á hjálminum hrapallega. Við hlið áletrunarinnar „BORN TO KILL“ sé til dæmis friðarmerkið og þessar tvær andstæður eigi að varpa ljósi á svokallaða tvíhyggju manneskjunnar – heimspekilega kenningu þess efnis að hugur og líkami séu algjörlega aðskild fyrirbæri.
Modine fór með hlutverk Private Joker í myndinni en persóna hans ber einmitt þennan títtnefnda hjálm á höfði sér í myndinni.
Í ævisögu Modine frá árinu 2005 fjallaði hann meðal annars um atvik á setti myndarinnar og samstarfið með Stanley Kubrick sem var á köflum erfitt.
Modine segir að Kubrick hafi til dæmis bannað honum að fara á fæðingardeildina þar sem eiginkona hans var að eignast barn þeirra. „Hún er að eignast barn, ekki þú. Þú verður bara fyrir,“ á Kubrick að hafa sagt. Hann hafi þó gefið eftir þegar Modine hótaði að hætta við þátttöku sína í myndinni.
Þegar Modine sneri aftur á sett sagði hann kollegum sínum að nafn barnsins væri Boman. Kubrick brást illur við og spurði hvers vegna hann hafi ekki gefið barninu „eðlilegt“ nafn.
Í frétt New York Post kemur ekki fram hvers vegna plakati myndarinnar var breytt og hafa engin svör borist frá Amazon. Fylgjendur Modine á X tóku flestir undir gagnrýni hans og sögðu sumir að hér væri komið fram enn eitt dæmið um það þegar ritskoðun er stunduð á goðsagnakenndri list.
Who decided to remove “BORN TO KILL?” Not only did they alter a piece of iconic art by Philip Castle, but they completely misunderstood the point of it being there. Pvt. Joker wears the helmet with “BORN TO KILL” and the peace ☮️ button as a statement about “the duality of man.” pic.twitter.com/9XQwINJj4l
— Matthew Modine (@MatthewModine) June 18, 2024