Ellý Ármannsdóttir flugfreyja og spákona mun setjast á skólabekk í haust á listmálarabraut í Listaháskóla Íslands. Í færslu á Facebook þakkar hún sjálfri sér fyrir að standa með litlu Ellý, trúa á sjálfa sig og ástríðuna fyrir málaralistinni.

Eins og margir þekkja til þá hefur Ellý málað og selt myndir í mörg ár. Í júní í fyrra hóf hún störf sem flugfreyja hjá Icelandair og mun halda því starfi áfram samhliða náminu.

„Til hamingju Ellý Ármanns fyrir að standa með mér, litlu Ellý Ármanns, og slá til, trúa á okkur og okkar ástríðu sem er að teikna og mála og já bara kýla á það að sækja um á listmálarabraut. Sko okkur! Við fengum jákvætt svar og það sem meira er er að við fáum að stunda listnámið meðfram flugfreyjustarfinu og það er svo ótrúlega spennandi og nærandi samsetning. Þá sköpum við og lærum á milli þess sem við fljúgum með frábæru fólki hjá Icelandair.

Þú hefur sýnt það og sannað að þú trúir á okkur elsku Ellý Ármanns. Draumurinn okkar er að fara að rætast frá því við vorum litlar. Takk fyrir að standa með mér. Þín besta besta vinkona ~ litla Ellý Ármanns.“

Ellý var gestur Fókus í desember síðastliðnum.

Sjá einnig: Elskar að vera í háloftunum – En hvað með tattúin?