Fjölmiðilinn Mirror rifjar upp í dag atvik sem varð árið 2018 þegar Katrín, nú prinsessa af Wales, opinberaði óvart hvaða ávani Vilhjálms prins eiginmanns hennar fór, þá að minnsta kosti, mest í taugarnar á henni.

Þetta mun vera sá ávani prinsins að neyta matar á meðan hann situr á sófa eða sófum heimilis hjónanna.

Þessi ávani Vilhjálms var opinberaður 2018 þegar hjónin heimsóttu herstöð breska flughersins á Kýpur til að opna nýja afþreygingarmiðstöð á herstöðinni. Vilhjálmur tjáði við það tækifæri liðsmönnum flughersins að heppilegast væri að halda mat frá húsgögnum nýju miðstöðvarinnar og ekki vera með pizzur á sófunum. Katrín bætti þá við:

„Þú ert alveg ómögulegur þegar kemur að því.“

Barátta Katrínar við að halda matnum frá húsgögnunum og koma þannig í veg fyrir að mylsnur dreifist yfir hin konunglegu húsgögn hefur þó haldið áfram síðan hún opinberaði þetta. Hjónin panta sér reglulega skyndibita. Katrín er hrifnust af ýmis konar karríréttum en í fyrsta sæti hjá Vilhjálmi er Tikka masala kjúklingur. Slíkir réttir einkennast yfirleitt af meðal annars nokkru magni af sósu og hrísgrjónum sem ekki er erfitt að sletta eða missa þangað sem maturinn á ekki að fara, til dæmis á húsgögn.