O.J. Simpson var mjög frægur og í guðatölu í amerískum fótbolta. Hann spilaði lengi í NFL deildinni og var kallaður „The Juice.“
Simpson var ákærður fyrir morð á fyrrverandi eiginkonu sinni, Nicole Brown Simpsons, og vini hennar, Ronald Goldman, en var sýknaður. Í gegnum árin hafa margir haldið því fram að hann hafi verið sekur og ein af þeim er raunveruleikastjarnan og fyrrverandi Ólympíufarinn Caitlyn Jenner.
Hún brást við fréttum af fráfalli hans með svakalegri færslu á X, áður Twitter.
„Farið hefur fé betra,“ skrifaði hún og bætti síðan við myllumerkinu #OJSimpson.
Good Riddance #OJSimpson
— Caitlyn Jenner (@Caitlyn_Jenner) April 11, 2024
Færslan hefur vakið misjöfn viðbrögð og segja margir að Jenner geti ekkert sagt vegna banaslyss sem hún varð valdur að árið 2015. Jenner keyrði aftan á aðra bifreið með þeim afleiðingum að ökumaður þeirrar bifreiðar, kona á sjötugsaldri að nafni Kim Howe, lést.
You’re one to talk. pic.twitter.com/W6Rdki6iJS
— DJ tha Kidd (@PG_Rated_R) April 11, 2024
Jenner var áður gift raunveruleikastjörnunni Kris Jenner sem var góð vinkona Nicole Brown. Fyrrverandi eiginmaður Kris, Robert Kardashian, var einn verjandi OJ Simpson í „Réttarhöldum aldarinnar,“ eins og dómsmálið hefur verið kallað.
Það er óhætt að segja að málið hafi tekið á alla fjölskylduna en Kris og Caitlyn Jenner hafa alla tíð haldið því fram að Simpson hafi verið sekur.
O.J var sýknaður í dómsmálinu en var seinna dæmdur sekur í einkarétti.
Kim Kardashian, Kourtney Kardashian, Khloé Kardashian og Kris Jenner komu fram í Dr. Phil árið 2009 til að ræða um O.J. Simpson málið. Dæturnar sögðu að málið hafði haft mikil áhrif á sig á sínum tíma.
Sjá einnig: 14 ár síðan Kardashian fjölskyldan kom fram í Dr. Phil – Manst þú eftir þessu?
