White hefur verið í klámbransanum síðan hún var átján ára gömul en það var ekki skyndiákvörðun. Hún segir að hún hafi fyrst ákveðið það þegar hún var fjórtán ára og hafi lesið sér til um og rannsakað iðnaðinn gaumgæfilega.
„Þegar ég varð kynþroska fann ég að ég væri mikil kynvera. Ég var með mikla kynhvöt og var spennt að prófa mig áfram,“ segir White í samtali við News.com.au.
„En ég varð fyrir druslusmánun fyrir að tjá mig kynferðislega og prófa mig áfram, það skipti ekki máli hvað ég gerði. Ég var drusla ef ég svaf hjá karlmönnum og ég var lesbía ef ég svaf hjá konum, og þetta var sagt á mjög fordómafullan hátt. Ég upplifði útskúfun einfaldlega fyrir að vera ég sjálf.“
White segir að hún hafi loksins fengið að vera hún sjálf í klámi og hún hafi einnig aldrei áður séð konur í hennar stærð fagnað á þennan hátt.
Eins og fyrr segir var White aðeins fjórtán ára þegar hún ákvað framtíðarstarf sitt, en hún hafði þá fjögur ár til að rannsaka hvaða klámframleiðslufyrirtæki væri siðferðilegt og svo framvegis.
Þegar hún varð átján ára byrjaði hún í iðnaðinum og hefur ekki litið til baka síðan. En það er eitt sem hún hefði viljað gera öðruvísi.
„Ef ég þyrfti að gera þetta allt aftur þá myndi ég breyta því hvernig ég sagði fjölskyldu minni frá þessu,“ segir hún.
„Ég held að ég hafi bara verið svo spennt og ákveðin um að þetta væri eitthvað sem ég vildi gera við líf mitt að ég opnaði ekki á samtal við ástvini þar sem þau gátu tjáð sig, spurt spurninga eða deilt áhyggjum sínum.“
White segir að hún vildi óska þess að hún hefði tekið meiri tíma í að útskýra fyrir fjölskyldu sinni hversu mikið hún væri búin að rannsaka bransann og að hún væri meðvituð um afleiðingar starfsins.
Manneskjan sem hún sér mest eftir að hafa ekki átt betra samtal við er mamma hennar.
Í dag er White ein þekktasta klámstjarna í heimi og hefur unnið til fjölda verðlauna.
