Yfirmenn London Clinic sjúkrahússins hafa hafið rannsókn á fullyrðingum um að trúnaður við Katrínu hertogaynju hafi verið brotinn á meðan hún var sjúklingur þar í lok janúar, þar sem að minnsta kosti einn starfsmaður er sagður hafa verið gripinn við að reyna að komast í sjúkraskrá hennar.

Í frétt Mirror kemur fram að ásakanirnar hafi valdið miklum usla á sjúkrahúsinu sem er í Marylebone, miðborg London, og hefur gott orð á sér fyrir að sinna og halda trúnaði við konungsfjölskylduna, fyrrverandi forseta, forsætisráðherra og fræga fólkið.

„Þetta er mikill öryggisbrestur og ótrúlega skaðlegt fyrir sjúkrahúsið, í ljósi þess að það er með óflekkað orðspor þegar kemur að meðlimum konungsfjölskyldunnar. Háttsettir yfirmenn sjúkrahússins höfðu samband við Kensington Palace strax eftir að þeim varð kunnugt um atvikið og fullvissuðu þeir höllina um að það yrði full rannsókn gerð á atvikinu. Allt heilbrigðisstarfsfólkið er í áfalli vegna atviksins og óánægt yfir ásökununum og er mjög sárt yfir því að traustur samstarfsmaður beri mögulega ábyrgð á slíku trúnaðar- og siðabroti.“

Í Bretlandi er það refsivert ef starfsmenn í NHS (opinbera heilbrigðisþjónustan) eða einkarekinni heilbrigðisþjónustu fái aðgang að sjúkraskrám sjúklings án samþykkis gagnaeftirlits stofnunarinnar. Lögreglan hefur ekki staðfest um hvort að atvikið hafi verið tilkynnt tilhennar.

Talsmaður upplýsingaskrifstofu (ICO) sagði: „Við getum staðfest að við höfum fengið tilkynningu um brot og erum að meta upplýsingarnar sem gefnar eru.“

London Clinic hefur ekki tjáð sig um málið, en sagði þó í yfirlýsngu:„Við trúum því staðfastlega að allir sjúklingar okkar, óháð stöðu þeirra, eigi skilið algjört næði og trúnað varðandi læknisfræðilegar upplýsingar sínar. 

Heimildarmenn segja sjúkrahúsið hafa tilkynnt meint brot til Kensingtonhallar um leið og málið að sögn heimildarmanna. Kensingtonhöll segir: „Þetta er mál fyrir London Clinic.“