Breska verðlaunaleikkonan Olivia Colman er opinská um notkun sína á bótox og aðdáendur hennar hreinlega elska það, en leikkonan er þekkt fyrir að vera opinská og þrælskemmtileg í viðtölum.
Colman var í viðtali í vikunni hjá BBC Radio 2 ásamt Jessie Buckley, en þær léku nýlega saman í kvikmyndinni Wicked Little Letters. Í viðtalinu segist Colman mikill aðdáandi þegar kemur að notkun bótox, „hrikalega hressandi.“
Eftir að Buckley reyndi að svara tónlistarspurninug benti Colman á að hún væri fædd árið 1974 og sagðist spyrillinn, Vernon Kay, þá vera á sama aldri.
„Er það? Ég lít út fyrir að vera mamma þín, þú ert svo unglegur. Þetta er mjög pirrandi,“ sagði Colman og spurði Kay síðan hversu mikið bótox hann hefði notað í gegnum árin og neitaði Kay að hafa notast við slíkt.
„Ó, ég hef fengið fullt!“ sagði Colman þá og skellihló.
View this post on Instagram
Hreinskilni Colman féll í kramið hjá netverjum sem sögðust hreinlega elska hana.
Margir þekktir einstaklingar hafa harðneitað að notast við bótox, þar á meðal sjónvarpsstjarnan Simon Cowell, sem varð loks að játa á sig notkun í fyrra, en Cowell er orðinn nær óþekkjanlegur.
Sjá einnig: Áhorfendur hneykslaðir á „ógnvekjandi“ útliti Simon Cowell
